Handbolti

Magnað mark Atla frá síðustu öld | Myndskeið

Runólfur Trausti Þórhallsson skrifar
Eftir að leikmannaferli Atla lauk tók hann að þjálfa. Hér er hann á hliðarlínunni í leik hjá Akureyri fyrr á þessari öld.
Eftir að leikmannaferli Atla lauk tók hann að þjálfa. Hér er hann á hliðarlínunni í leik hjá Akureyri fyrr á þessari öld. Vísir

Þegar nær allar íþróttafréttir eru litaðar á einn eða annan hátt af kórónuveirunni er gaman að rifja upp skemmtileg tilþrif. Að þessu sinni er það mark fyrrverandi landsliðsmannsins Atla Hilmarssonar.

Atli lék á sínum tíma 134 landsleiki og skoraði í þeim 391 mark. Þá lék hann sem atvinnumaður á Spáni og í Þýskalandi um árabil. 

Á Twitter-síðu Partidos Históricos de Balonmano er fjallað um sögu handboltans á Spáni. Þar er rifjað upp einkar glæsilegt mark Atla frá því hann lék með Granollers þann 27. janúar árið 1990. 

Markið skoraði hann gegn Club Deportivo Cajamadrid og hægt er að sjá það hér að neðan. Rúnar Sigtryggsson, núverandi þjálfari Stjörnunnar í Olís deild karla, talar um „rosalega kringlu“ og má vel taka undir þau orð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.