Losun Kína dregst saman tímabundið vegna kórónuveirunnar Kjartan Kjartansson skrifar 25. febrúar 2020 10:33 Dregið hefur úr mengun og framleiðslu í Kína vegna aðgerða til að takmarka útbreiðslu kórónuveirunnar sem kom fyrst upp í Wuhan í desember. Vísir/EPA Samdráttur í framleiðslu og minni eftirspurn eftir orku vegna aðgerða til að takmarka útbreiðslu kórónuveirufaraldursins hefur dregið úr losun Kína á gróðurhúsalofttegundum um fjórðung. Innspýting kínverskra stjórnvalda til að bregðast við faraldrinum gæti þó aukið losunina og eytt ávinningnum. Alls hafa nú um 80.000 manns smitast af nýju afbrigði kórónuveirunnar sem kom fyrst upp í borginni Wuhan í Kína í desember og á þriðja þúsund manns hafa látist. Langflest smitin hafa greinst í Kína og hefur faraldurinn valdið verulegri röskun á daglegu lífi, ferðalögum og viðskiptum. Faraldurinn hefur leitt til þess að framleiðsla hefur dregist saman og eftirspurn eftir orku sömuleiðis. Þannig hefur kolanotkun í orkuverum í Kína verið sú lægsta í fjögur ár undanfarnar vikur og stálframleiðsla hefur ekki verið minni í fimm ár. Innanlandsflugferðum hefur fækkað um 70% borið saman við janúar og svifryksmengun hefur dregist saman um meira en þriðjung frá sama tímabili í fyrra. Í greiningu vefsíðunnar Carbon Brief sem birtist í síðustu viku er áætlað að framleiðsla í mikilvægustu atvinnugreinum Kína hafi dregist saman um 15-40% vegna aðgerða stjórnvalda gegn kórónuveirunni. Líklegt sé að þetta hafi leitt til þess að losun gróðurhúsalofttegunda hafi dregist saman um fjórðung undanfarnar tvær vikur á undan. Losunin væri alla jafna að aukast eftir nýárshátíðarhöld Kínverja. Sé miðað við losun Kína á sama tímabili í fyrra gæti losunin nú hafa dregist saman um hundrað milljón tonn koltvísýrings, um 6% af heildarlosun heimsbyggðarinnar á því tímabili. Kína er stærsti losandi gróðurhúsalofttegunda í heiminum. Viðbrögð stjórnvalda gætu aukið losun aftur og enn meira Áhrif faraldursins á losun gróðurhúsalofttegunda sem valda hnattrænni hlýnun á jörðinni eru líkleg til að vera tímabundin. Kínversk stjórnvöld hafa hvatt héraðsstjórnir til þess að blása lífi í hagkerfið aftur. Hugmyndir hafa verið um að stjórnvöld hraði vinnu við stórtækar framkvæmdir og auki opinber útgjöld og lánveitingar banka. Aukning í losun vegna slíkra efnahagslegra hvata gæti þannig vegið alfarið upp á móti samdrætti nú. Það sama var uppi á teningnum eftir fjármálakreppuna og niðursveiflu í kínverska hagkerfinu árið 2015. Kína Loftslagsmál Faraldur kórónuveiru (COVID-19) Mest lesið Endurgjöf: Það sem þú átt ekki að gera Atvinnulíf Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Sækjast eftir fangelsisdómi yfir rafmyntakóngi Viðskipti erlent Helmingur Íslendinga sáttur við falsanir og eftirlíkanir Neytendur „Enda hefði hún hreinlega ekki nennt að þræta við mig endalaust“ Atvinnulíf Mikill samdráttur á hagnaði Tesla Viðskipti erlent Töpuðu þremur milljörðum á fyrsta ársfjórðungi Viðskipti innlent Allir með fjölnota innkaupapoka fá frítt í strætó á morgun Neytendur Selma nýr formaður Kvenna í orkumálum Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Samdráttur í framleiðslu og minni eftirspurn eftir orku vegna aðgerða til að takmarka útbreiðslu kórónuveirufaraldursins hefur dregið úr losun Kína á gróðurhúsalofttegundum um fjórðung. Innspýting kínverskra stjórnvalda til að bregðast við faraldrinum gæti þó aukið losunina og eytt ávinningnum. Alls hafa nú um 80.000 manns smitast af nýju afbrigði kórónuveirunnar sem kom fyrst upp í borginni Wuhan í Kína í desember og á þriðja þúsund manns hafa látist. Langflest smitin hafa greinst í Kína og hefur faraldurinn valdið verulegri röskun á daglegu lífi, ferðalögum og viðskiptum. Faraldurinn hefur leitt til þess að framleiðsla hefur dregist saman og eftirspurn eftir orku sömuleiðis. Þannig hefur kolanotkun í orkuverum í Kína verið sú lægsta í fjögur ár undanfarnar vikur og stálframleiðsla hefur ekki verið minni í fimm ár. Innanlandsflugferðum hefur fækkað um 70% borið saman við janúar og svifryksmengun hefur dregist saman um meira en þriðjung frá sama tímabili í fyrra. Í greiningu vefsíðunnar Carbon Brief sem birtist í síðustu viku er áætlað að framleiðsla í mikilvægustu atvinnugreinum Kína hafi dregist saman um 15-40% vegna aðgerða stjórnvalda gegn kórónuveirunni. Líklegt sé að þetta hafi leitt til þess að losun gróðurhúsalofttegunda hafi dregist saman um fjórðung undanfarnar tvær vikur á undan. Losunin væri alla jafna að aukast eftir nýárshátíðarhöld Kínverja. Sé miðað við losun Kína á sama tímabili í fyrra gæti losunin nú hafa dregist saman um hundrað milljón tonn koltvísýrings, um 6% af heildarlosun heimsbyggðarinnar á því tímabili. Kína er stærsti losandi gróðurhúsalofttegunda í heiminum. Viðbrögð stjórnvalda gætu aukið losun aftur og enn meira Áhrif faraldursins á losun gróðurhúsalofttegunda sem valda hnattrænni hlýnun á jörðinni eru líkleg til að vera tímabundin. Kínversk stjórnvöld hafa hvatt héraðsstjórnir til þess að blása lífi í hagkerfið aftur. Hugmyndir hafa verið um að stjórnvöld hraði vinnu við stórtækar framkvæmdir og auki opinber útgjöld og lánveitingar banka. Aukning í losun vegna slíkra efnahagslegra hvata gæti þannig vegið alfarið upp á móti samdrætti nú. Það sama var uppi á teningnum eftir fjármálakreppuna og niðursveiflu í kínverska hagkerfinu árið 2015.
Kína Loftslagsmál Faraldur kórónuveiru (COVID-19) Mest lesið Endurgjöf: Það sem þú átt ekki að gera Atvinnulíf Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Sækjast eftir fangelsisdómi yfir rafmyntakóngi Viðskipti erlent Helmingur Íslendinga sáttur við falsanir og eftirlíkanir Neytendur „Enda hefði hún hreinlega ekki nennt að þræta við mig endalaust“ Atvinnulíf Mikill samdráttur á hagnaði Tesla Viðskipti erlent Töpuðu þremur milljörðum á fyrsta ársfjórðungi Viðskipti innlent Allir með fjölnota innkaupapoka fá frítt í strætó á morgun Neytendur Selma nýr formaður Kvenna í orkumálum Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira