Viðskipti erlent

Kín­verska hag­kerfið verði það stærsta í heimi 2028

Vésteinn Örn Pétursson skrifar
Gert er ráð fyrir að kínverska hagkerfið verði orðið það stærsta í heimi árið 2028.
Gert er ráð fyrir að kínverska hagkerfið verði orðið það stærsta í heimi árið 2028. Liu Jianhua/VCG via Getty

Hagkerfi Kína mun taka fram úr því bandaríska árið 2028 og verður þá það stærsta í heimi, samkvæmt spá CEBR, breskrar rannsóknarmiðstöðvar um hagfræði og viðskipti. Fyrra spálíkan hafði gert ráð fyrir að Kína ætti stærsta hagkerfi heims árið 2033, en faraldur kórónuveiru er sagður munu flýta því.

Breska ríkisútvarpið greinir frá þessu og vísar í skýrslu um rannsókn CEBR. Þar segir að viðbrögð kínverskra stjórnvalda við kórónuveirufaraldrinum verði þess valdandi að hagkerfi Kína muni vaxa hlutfallslega meira en hagkerfi Bandaríkjanna og Evrópuríkja á næstu árum.

Kína var fyrsta landið sem tókst á við kórónuveirufaraldurinn og greip strax til harðra aðgerða til að hefta útbreiðslu Covid-19 um landið. Kínverjar hafa því ekki þurft að ganga í gegn um endurteknar bylgjur sóttvarnaaðgerða með fylgjandi samdrætti fyrir efnahagslífið og áætlanir gera ráð fyrir tveggja prósenta hagvexti þar í landi árið 2020.

Bandaríkin hafa hins vegar komið einna verst út úr faraldrinum. Yfir 330.000 hafa látið þar lífið af völdum Covid-19 og um átján og hálf milljón manna greinst með kórónuveiruna. Stjórnvöld hafa gripið til einhverra efnahagslegra aðgerða, svo sem með aðgerðapökkum þar sem Bandríkjamönnum hafa verið gefnir peningar, en atvinnuleysi í landinu fór upp í 14,7 prósent síðastliðinn apríl, en var í 6,7 prósentum í nóvember síðastliðnum.

Mun örari vöxtur í Kína

Samkvæmt skýrslu CEBR mun hagkerfi Bandaríkjanna ná sér að einhverju leyti á næstu árum. Gert er áð fyrir að hagvöxtur verði um 1,9 prósent á árunum 2022 til 2024, en um 1,6 prósent á árunum eftir það. Skýrslan gerir hins vegar ráð fyrir örari vexti kínverska hagkerfisins, eða um 5,7 prósent á ári til ársins 2025 og 4,5 prósent á árunum 2026 til 2030.

Annað sem skýrslan gerir ráð fyrir er að breska hagkerfið muni njóta um 4 prósenta hagvaxtar á árunum 2021 til 2025 og 1,8 prósenta hagvaxtar frá 2026 til 2030, eftir að hafa dregist saman á þessu ári.

Þá er gert ráð fyrir að hagkerfi Indlands verði orðið stærra en hagkerfi Þýskalands árið 2027, og það taki sömuleiðis fram úr hagkerfi Japans árið 2030.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
3,09
85
283.996
BRIM
1,35
3
109.672
VIS
1,28
9
171.521
FESTI
1,05
6
67.546
MAREL
1,04
20
220.169

Mesta lækkun dagsins


Félag
Br.%
Fjöldi
Velta*
REITIR
-1,97
8
76.322
KVIKA
-0,23
13
107.345
EIM
-0,17
9
48.735
SKEL
0
1
1.310
EIK
0
4
3.501
Velkomin á Vísi. Þessi vefur notar vafrakökur. Sjá nánar.