Íslenska fjártæknifyrirtækið Meniga hefur samið við sænsku bankasamsteypuna Swedbank og eru lausnir Meniga nú aðgengilegar öllum viðskiptavinum bankans í Svíþjóð, Eistlandi, Lettlandi og Litháen.
Þetta kemur fram í tilkynningu, en þar segir að Swedbank sé stærsti banki Svíþjóðar með rúmlega sjö milljónir einstaklinga og 600 þúsund fyrirtæki í viðskiptum. Þá sé bankinn einnig með mikla hlutdeild á bankamarkaði í Eystrasaltslöndunum.
Haft er eftir Georgi Lúðvíkssyni, forstjóra og eins af stofnendum Meniga, að samstarfið styrki stöðu Meniga enn frekar sem markaðsleiðtoga á sviði netbankalausna í Evrópu.
Viðskiptavinir geti þannig séð tekju- og útgjaldaskýrslur, búið til fjárhagsáætlanir og sett sér útgjaldamarkmið. Eru lausnirnar sambærilegar við þær sem Íslendinga þekkja hér heima.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
