Handbolti

Svona var æfingahópurinn fyrir HM tilkynntur

Ingvi Þór Sæmundsson skrifar
Guðmundur Guðmundsson tilkynnti 21 manns æfingahóp fyrir HM í dag.
Guðmundur Guðmundsson tilkynnti 21 manns æfingahóp fyrir HM í dag. vísir/vilhelm

Guðmundur Guðmundsson tilkynnti í dag æfingahópinn fyrir heimsmeistaramótið í Egyptalandi í handbolta í næsta mánuði.

Fundurinn var í beinni útsendingu og beinni textalýsingu á Vísi. Útsendinguna og textalýsinguna frá fundinum má nálgast hér fyrir neðan.

Guðmundur valdi 21 leikmann í æfingahópinn en fer með tuttugu leikmenn til Egyptalands. Athygli vekur að Alexander Petersson er í hópnum en hann hefur ekki leikið með landsliðinu síðan á EM í byrjun þessa árs. 

Þrír leikmenn í hópnum leika hér á landi: Björgvin Páll Gústavsson, Kári Kristján Kristjánsson og Magnús Óli Magnússon sem gæti farið á sitt fyrsta stórmót með landsliðinu. Tveir aðrir leikmenn í hópnum hafa ekki farið á stórmót: Elliði Snær Viðarsson og Kristján Örn Kristjánsson.

Æfingahópur landsliðsins fyrir HM

Æfingahópur íslenska landsliðsins lítur þannig út:

  • Markverðir:
  • Ágúst Elí Björgvinsson KIF Kolding
  • Björgvin Páll Gústavsson Haukar
  • Viktor Gísli Hallgrímsson GOG Håndball
  • Vinstra horn:
  • Bjarki Már Elísson TBV Lemgo Lippe
  • Oddur Grétarsson HBW Balingen-Weilstetten
  • Vinstri skyttur:
  • Aron Pálmarsson FC Barcelona
  • Magnús Óli Magnússon Valur
  • Ólafur Andrés Guðmundsson IFK Kristianstad
  • Leikstjórendur:
  • Elvar Örn Jónsson Skjern Håndbold
  • Gísli Þorgeir Kristjánsson SC Magdeburg
  • Janus Daði Smárason Göppingen
  • Hægri skyttur:
  • Alexander Petersson Die Rhein-Necker Löwen
  • Kristján Örn Kristjánsson Pays d’Aix Universite Club
  • Ómar Ingi Magnússon SC Magdeburg
  • Viggó Kristjánsson TVB 1898 Stuttgart
  • Hægri hornamenn:
  • Arnór Þór Gunnarsson Die Bergischer Handball Club
  • Sigvaldi Björn Guðjónsson Vive Tauron Kielce
  • Línumenn:
  • Arnar Freyr Arnarsson MT Melsungen
  • Elliði Snær Viðarsson Gummersbach
  • Kári Kristján Kristjánsson ÍBV
  • Ýmir Örn Gíslason Die Rhein-Necker Löwen

Áður en HM hefst leikur íslenska liðið tvo leiki við Portúgal í undankeppni EM 2022, heima og að heiman.

Fyrsti leikur Íslands á HM er svo gegn Portúgal, 14. janúar. Ísland mætir svo Alsír 16. janúar og loks Marokkó 18. janúar. Efstu þrjú liðin í riðlinum fara í milliriðil.

HM 2021 í handbolta

Mest lesið


Fleiri fréttir

Sjá meira
×

Mest lesið