Viðskipti innlent

Fjögur ráðin til Stefnis

Atli Ísleifsson skrifar
Theódór Sölvi Blöndal, Vigdís Hauksdóttir, Þorsteinn Andri Haraldsson og Eiríkur Ársælsson.
Theódór Sölvi Blöndal, Vigdís Hauksdóttir, Þorsteinn Andri Haraldsson og Eiríkur Ársælsson. Stefnir

Theodór Sölvi Blöndal, Vigdís Hauksdóttir, Þorsteinn Andri Haraldsson og Eiríkur Ársælsson hafa öll verið ráðin til starfa hjá sjóðsstýringarfyrirtækinu Stefni að undanförnu.

Þetta kemur fram í tilkynningu frá fyrirtækinu. Þar segir að Theodór Sölvi Blöndal sé sérfræðingur í erlenda hlutabréfateymi Stefnis.

„Theodór er 27 ára gamall, með mastersgráðu í fjármálaverkfræði og áhættustýringu frá Imperial College í London auk þess hefur hann lokið við öll stig CFA. Theodór hefur starfað á fjármálamörkuðum undanfarin ár m.a. hjá Íslenskum Verðbréfum.

Vigdís Hauksdóttir er sérfræðingur í rekstrarteymi Stefnis og mun hún sinna því starfi meðfram meistaranámi í Verkefnastjórnun við Háskóla Íslands. Vigdís er 39 ára gömul og er með BSc í viðskiptafræði frá Háskólanum í Reykjavík. Vigdís hefur starfað á fjármálamarkaði í á annan tug ára og viðað sér fjölbreyttri reynslu.

Þorsteinn Andri Haraldsson hóf nýlega störf sem sérfræðingur í innlenda hlutabréfateymi Stefnis. Þorsteinn er 30 ára gamall og er með BSc í hagfræði frá Háskóla Íslands og MSc í hagfræði frá University of Groningen í Hollandi. Hann hefur jafnframt lokið prófi í verðbréfaviðskiptum. Þorsteinn hefur viðamikla reynslu af greiningarvinnu á innlendum fjármálamarkaði þar sem hann hefur starfað frá árinu 2014.

Eiríkur Ársælsson er sérfræðingur í teymi sérhæfðra fjárfestinga sem rekur m.a. framtakssjóðina SÍA. Eiríkur er 27 ára með BSc í Fjármálaverkfræði frá Háskólanum í Reykjavík, auk þess hefur hann lokið prófi í verðbréfaviðskiptum og réttindum frá Chartered Institute for Securities & Investment (CISI) í Bretlandi. Eiríkur kemur til Stefnis frá Nomura fjárfestingarbankanum í London,“ segir í í tilkynningunni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
0,96
1
500
ARION
0,63
12
300.232
SJOVA
0,16
9
20.335
MAREL
0,06
15
96.773
KVIKA
0
10
107.788

Mesta lækkun dagsins


Félag
Br.%
Fjöldi
Velta*
ICEAIR
-5,06
89
185.127
HAGA
-2,34
29
396.446
VIS
-1,25
10
91.026
SIMINN
-1,1
8
137.092
EIM
-0,96
2
416
Velkomin á Vísi. Þessi vefur notar vafrakökur. Sjá nánar.