Viðskipti innlent

Landsbankinn lækkar vexti

Tryggvi Páll Tryggvason skrifar
Landsbankinn mun lækka breytilega vexti á íbúðalánum.
Landsbankinn mun lækka breytilega vexti á íbúðalánum. Vísir/Vilhelm

Landsbankinn hefur ákveðið að lækka vexti til einstaklinga og fyrirtækja frá og með 1. desember næstkomandi. Ákvörðunin er tekin eftir stýrivaxtalækkun Seðlabankans í síðustu viku.

Breytilegir vextir á óverðtryggðum íbúðalánum, nú annað hvort 3,5 prósent eða 4,5 prósent eftir veðhlutfalli, lækka um 0,20 prósentustig og breytilegir vextir á verðtryggðum íbúðalánum, nú 2 prósent, lækka um 0,10 prósentustig.

Þá lækka kjörvextir óverðtryggðra útlána til fyrirtækja um 0,20 prósentustig og kjörvextir verðtryggðra útlána lækka um 0,10 prósentustig. Yfirdráttarvextir lækka um 0,10-0,25 prósentustig. Innlánsvextir eru ýmist óbreyttir eða lækka um 0,05-0,25 prósentustig.

Breytingarna taka sem fyrr segir gildi þann 1. desember næstkomandi þegar ný vaxtatafla tekur gildi.

Stutt er síðan Landsbankinn hækkaði fasta vexti á nýjum óverðtryggðum íbúðalánum hjá Landsbankanum um 0,15 til 0,20 prósentustig, þar sem að ávöxtunarkrafa sértryggðra skuldabréfa hafði hækkað umtalsvert frá síðustu vaxtabreytingu, en íbúðalán Landsbankans eru meðal annars fjármögnuð með slíkum skuldabréfum sem bera fasta vexti og eru boðin út á skuldabréfamarkaði.


Tengdar fréttir

Stýrivextir lækka óvænt

Peningastefnunefnd Seðlabanka Íslands hefur ákveðið að lækka vexti bankans um 0,25 prósentur. Meginvextir bankans, vextir á sjö daga bundnum innlánum, verða því 0,75%





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIK
1,71
6
16.791
VIS
1,53
9
300.468
REITIR
1,21
5
111.540
SJOVA
1,09
8
81.238
FESTI
0,93
6
457.400

Mesta lækkun dagsins


Félag
Br.%
Fjöldi
Velta*
SKEL
-2,82
8
9.870
KVIKA
-1,48
20
452.744
ICEAIR
-1,47
14
9.616
SYN
-0,78
5
70.590
ICESEA
-0,66
4
5.955
Velkomin á Vísi. Þessi vefur notar vafrakökur. Sjá nánar.