Aron: Við eðlilegar aðstæður hefði allt annað en sigur verið lélegt

Aron Pálmarsson spilaði virkilega vel fyrir Íslands hönd í kvöld, skoraði aðeins þrjú mörk en var uppistaða sóknarleiksins meðan hann var inn á vellinum. Hann var ánægður með leik sinna manna í kvöld

„Maður var ekki einu sinni viss á leikdegi hvort leikurinn yrði svo það skipti máli að halda fókus og mæta fókus-eraðir til leiks“ sagði fyrirliðinn, eftir stórsigur á Litháen 36-20

„Þetta var auðveldara en maður bjóst við, en að sama skapi var ég ánægður með það hvernig við komum inn í þetta og kláruðum þá strax í fyrri hálfleik“ 

9 mörk skyldu liðin að í hálfleik og var seinni hálfleikurinn formsatriði fyrir strákana okkar að klára leikinn með sigri

„Þeir virkuðu bara þungir og hægir. Þeir eru betri en þetta. Þú getur ekkert leyft þér að mæta svona í Höllina, hvort sem það er full höll eða ekki, þá færðu bara svona skell“ sagði Aron

Margir nýliðar voru í íslenska hópnum í dag og fengu allir leikmenn íslenska liðsins einhverjar mínútur. Aron var ánægður með innkomu nýju leikmannanna

„Þeir voru flottir, jafnvel að detta beint í byrjunarlið og spiluðu mjög vel. Þeir komu vel inn í „systemið“, varnarleikinn og sóknin góð enn vörnin hefur yfirleitt tekið lengri tíma hjá okkur. Við náðum bara einni æfingu saman allt liðið og ég er mjög ánægður og stoltur af okkur að mæta og klára þetta svona“

„Við áttum að vinna, við eðlilegar aðstæður hefði allt annað verið lélegt“ sagði Aron, en við þær aðstæður sem lið erum að glíma við í dag er ekkert sem heitir skyldusigur

Sökum kórónuveirunnar hafa strákarnir verið í svokallaðri „búbblu“ þar sem þeir fá lítið sem ekkert að fara út af hótelinu, fá ekkert að hitta fjölskyldu og vini hér á landi en Aron kvartar ekki

„Þetta er mjög fínt, Grand hótel á hrós skilið, geggjaður matur, góð herbergi og gott wi-fi. Við þurfum ekki mikið meira. Svo erum við líka drullu skemmtilegir strákarnir í liðinu“ sagði landsliðs fyrirliðinn að lokum