Juventus í vandræðum án Cristiano Ronaldo

Arnar Geir Halldórsson skrifar
Dejan Kulusevski
Dejan Kulusevski vísir/Getty

Juventus fékk Hellas Verona í heimsókn í síðasta leik helgarinnar í ítölsku úrvalsdeildinni en ítölsku meistararnir leika án sinnar skærustu stjörnu, Cristiano Ronaldo, þessa dagana þar sem hann glímir við kórónuveiruna.

Verona komst í forystu með marki Andrea Favilli á 60.mínútu.

Svíinn Dejan Kulusevski jafnaði metin fyrir Juventus á 77.mínútu.

Fleiri urðu mörkin ekki og þriðja jafntefli Juventus í fyrstu fimm umferðunum staðreynd en meistararnir þó enn taplausir.

Bein lýsing

Leikirnir






    Fleiri fréttir

    Sjá meira