Innlent

69 greindust innanlands í gær

Sylvía Hall skrifar
_VIL4260
Vísir/Vilhelm

69 greindust með kórónuveirusmit innanlands síðasta sólarhringinn og voru 78 prósent þeirra í sóttkví, eða 54. 50 greindust í sýnatöku vegna einkenna en sautján í handahófs- og sóttkvíarskimunum. 

67 greindust með kórónuveiruna innanlands í fyrradag en færri voru þá í sóttkví við greiningu, eða 67 prósent.

26 liggja nú á sjúkrahúsi vegna kórónuveirusmits og fjórir eru á gjörgæslu.

1.246 eru nú í einangrun, samanborið við 1.206 í gær. Þá eru 2.957 í sóttkví í dag, samanborið við 2.823 í gær.

Nú hafa 3.998 manns greinst smitaðir af kórónuveiru frá upphafi faraldursins. Ellefu þeirra sem hafa veikst af Covid-19 eru látnir.

Alls voru tekin 1.149 einkennasýni hjá sýkla- og veirufræðideild Landspítalans og Íslenskri erfðagreiningu í gær, sem er minna en daginn þar áður. 521 sýni var tekið á landamærunum eða í seinni landamæraskimun. Þá voru 612 sýni tekin við sóttkvíar- og handahófsskimun og voru 46 sýni tekin í annarri skimun hjá ÍE.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 291,2 en var 289,1 í gær. Þá er nýgengi landamærasmita nú 15,3, en var 15,5 í gær.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.