Körfubolti

Aðeins einn leikmaður Þórs Þ. í sóttkví

Runólfur Trausti Þórhallsson skrifar
Allt lið Þórs Þorlákshafnar er nú komið í sóttkví.
Allt lið Þórs Þorlákshafnar er nú komið í sóttkví. Vísir/Bára

Aðeins einn leikmaður Þórs Þorlákshafnar í Dominos deild karla í körfubolta þurfti að fara í sóttkví ólíkt því sem var upphaflega greint frá. Vísir hafði eftir Karfan.is að allt lið Þórs Þ. þyrfti að fara í sóttkví en það var ekki rétt.

Haft var eftir áreiðanlegum heimildum Körfunnar.is að leikmaður liðsins hefði greinst með smit og því þyrfti allt liðið að fara í sóttkví þar sem hann hefði umgengist liðsfélaga síðan þá. Nú hefur verið staðfest að aðeins umræddur leikmaður þurfi að fara í sóttkví og því verður engin röskun á fyrstu umferð Dominos deildar karla sem hefst nú á fimmtudag.

Þó leiktíðin sé vart farin af stað eru strax komin upp vandamál en kvennalið Keflavíkur er í sóttkví sem stendur og þurfti að fresta leik liðsins gegn Snæfelli á laugardaginn.

Íþróttadeild Vísis spáir Þór Þorlákshöfn ekki sérstöku gengi í vetur og ekki er þetta til að bæta það sem virðist ætla að vera erfiður vetur nú þegar. Að öllu óbreyttu fer Dominos deild karla þó af stað nú á fimmtudaginn og verður umfjöllun Stöð 2 Sport enn meiri á þessu tímabili en áður.

Fréttin hefur verið uppfærð.


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.