Erlent

Á þriðja tug fórst með herflugvél í Úkraínu

Kjartan Kjartansson skrifar
Björgunarmenn við brak herflugvélarinnar í Kharkiv.
Björgunarmenn við brak herflugvélarinnar í Kharkiv. Vísir/EPA

Liðsforingjaefni úr úkraínska flughernum voru meirihluti þeirra að minnsta kosti 25 sem fórust þegar herflugvél brotlenti nærri borginni Kharkiv í austurhluta Úkraínu í gærkvöldi. Orsakir slyssins liggja ekki fyrir en ekkert bendir til þess að þau tengist hernaðarátökum í austanverðu landinu.

Flugvélin var af gerðinni Antonov-26. Bráðabirgðaniðurstöður benda til þess að liðsforingjaefnin hafi ekki stýrt vélinni þegar hún hrapaði. Tuttugu liðsforingjaefni frá háskóla flughersins í Kharkiv voru um borð í vélinni. Átján þeirra fórust en tveir eru alvarlega slasaðir, að sögn breska ríkisútvarpsins BBC.

Í tilkynningu frá öryggisþjónustu Úkraínu kom fram að flugstjóri vélarinnar hefði tilkynnt um að annar hreyfill hennar hefði bilað og óskað eftir leyfi til nauðlendingar. Vélin hrapaði aðeins sjö mínútum síðar.

Slysið varð um tvo kílómetra frá Tjúhuiv-herflugvellinum. Hann er um hundrað kílómetrum frá vígstöðvunum í Austur-Úkraínu þar sem stjórnarhermenn glíma við uppreisnarmenn hliðholla Rússlandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.