Baráttusigur Tottenham og sæti í fjórðu umferðinni tryggt

Tottenham er komið í umspil um laust sæti í forkeppni Evrópudeildarinnar eftir 3-1 sigur á norð-makedónska liðinu KF Shkendija.

Erik Lamela skoraði fyrsta markið strax á fimmtu mínútu og flestir héldu þá að Lundúnarliðið myndi ganga á lagið.

Það varð hins vegar ekki raunin og staðan var 0-1 í hálfleik. Heimamenn jöfnuðu metin svo á tíundu mínútu síðari hálfleiks með marki Valmir Nafiu.

Hinn sjóðandi heiti Heung-Min Son kom Tottenham hins vegar í 2-1 á 70. mínútu.

Harry Kane tryggði svo sætið í riðlakeppninni ellefu mínútum fyrir leikslok og þar við sat.

Jose Mourinho og lærisveinar því skrefi nær Evrópudeildinni í vetur en þeir mæta Maccabi Haifa í næstu viku.