Körfubolti

Valskonur fengu næstum því fullt hús og er spáð Íslandsmeistaratitlinum

Óskar Ófeigur Jónsson skrifar
Valskonur unnu síðasta Íslandsmeistaratitil sem fór á loft vorið 2019.
Valskonur unnu síðasta Íslandsmeistaratitil sem fór á loft vorið 2019. Vísir/Daníel Þór

Valsliðinu er spáð Íslandsmeistaratitlinum í Domino´s deild kvenna í körfubolta á komandi tímabili en spáin var kynnt á kynningarfundi deildarinnar í dag.

Valskonur eru með besta lið landsins í kvennakörfunni að mati bæði liðanna í deildinni sem og fjölmiðlamanna.

Körfuknattleikssambandið fékk bæði liðin og fjölmiðla til að spá og birti báðar spárnar á kynningarfundinum.

Valsliðið fékk fullt hús hjá fjölmiðlamönnum og næstum því fullt hús frá fyrirliðum, forráðamönnum og þjálfurum. Valskonur hluti yfirburðarkosningu á báðum stöðum.

Valsliðið er búið að fá landsliðsmiðherjann Hildi Björgu Kjartansdóttur frá KR en Helena Sverrisdóttir er aftur á móti komin í barnsburðarleyfi. Valsliðið varð deildarmeistari á síðustu leiktíð og þótti langsigurstranglegast í úrslitakeppninni sem aldrei var spiluð vegna kórónuveirunnar.

Spárnar eru alveg eins þegar kemur að röð liðanna. Skallagrímskonum er spáð öðru sætinu og Keflavík og Haukar eiga að komast í úrslitakeppnina með Skallagrími og Val. KR er síðan spáð falli úr deildinni í báðum spám.

Það var einnig spáð um niðurstöðuna í 1. deild kvenna en liðin og fjölmiðlamenn eru ekki sammála um hvort Njarðvík eða Grindavík fari upp. Njarðvík er spáð upp af fyrirliðum, forráðamönnum og þjálfurum en fjölmiðlamenn hafa meiri trú á Grindavíkurstelpunum.

ÍR og Tindastóll eiga síðan að komast í úrslitakeppnina með Njarðvík og Grindavík þar sem barist verður um eitt laust sæti í Domino´s deild kvenna á næsta tímabili.

Hér fyrir neðan má sjá niðurstöðurnar úr spánni fyrir báðar deildir.

Spá fyrirliða, forráðamanna og þjálfara fyrir Domino´s deild kvenna:

  • 1. Valur 186 stig
  • 2. Skallagrímur 151
  • 3. Keflavík 143
  • 4. Haukar 131
  • 5. Breiðablik 76
  • 6. Fjölnir 72
  • 7. Snæfell 61
  • 8. KR 44
  • (Mest var hægt að fá 192 stig, minnst var hægt að fá 24 stig)

Spá fjölmiðlamanna fyrir Domino´s deild kvenna:

  • 1. Valur 88 stig
  • 2. Skallagrímur 72
  • 3. Keflavík 67
  • 4. Haukar 58
  • 5. Breiðablik 37
  • 6. Fjölnir 25
  • 7. Snæfell 25
  • 8. KR 24
  • (Mest var hægt að fá 88 stig, minnst var hægt að fá 11 stig)

Spá fyrirliða, forráðamanna og þjálfara fyrir 1. deild kvenna:

  • 1. Njarðvík 234 stig
  • 2. Grindavík 194
  • 3. ÍR 183
  • 4. Tindastóll 174
  • 5. Hamar/Þór Þ. 118
  • 6. Stjarnan 97
  • 7. Vestri 83
  • 8. Fjölnir-B 80
  • 9. Ármann 52
  • (Mest var hægt að fá 192 stig, minnst var hægt að fá 24 stig)

Spá fjölmiðlamanna fyrir 1. deild kvenna:

  • 1. Grindavík 65 stig
  • 2. Njarðvík 64
  • 3. ÍR 58
  • 4. Tindastóll 47
  • 5. Stjarnan 39
  • 6. Hamar/Þór Þ. 29
  • 7. Ármann 22
  • 8. Vestri 18
  • 9. Fjölnir-B 18
  • (Mest var hægt að fá 88 stig, minnst var hægt að fá 11 stig)

Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.