Golf

Fjögurra fugla hringur hjá Guðmundi Ágústi í Portúgal

Óskar Ófeigur Jónsson skrifar
Guðmundur Ágúst Kristjánsson var að spila vel í Portúgal í dag.
Guðmundur Ágúst Kristjánsson var að spila vel í Portúgal í dag. Mynd/GSÍmyndir/SETH

Guðmundur Ágúst Kristjánsson byrjaði mjög vel á Opna portúgalska meistaramótinu sem fer fram á Royal Óbidos vellinum og hófst í dag .

Guðmundur Ágúst Kristjánsson lék fyrsta hringinn á Opna portúgalska meistaramótinu á 69 höggum eða þremur höggum undir pari.

Hann er eins og er í þriðja til sjötta sæti ásamt þremur öðrum kylfingum. Guðmundur Ágúst fékk alls fjóra fugla á hringnum þar af tvo þeirra á fyrstu fimm holunum.

Guðmundur Ágúst hefði verið í betri stöðu hefði hann sloppið við skolla á sautjándu en hann svaraði því strax með því að fá fugl á átjándu holunni.

Haraldur Franklín Magnús er einnig að spila á mótinu en átti rástíma miklu seinna en Guðmundur. Haraldur Franklín lék fyrstu sex holurnar á þremur höggum yfir pari.

Mótið í Portúgal er það fimmta hjá Guðmundi Ágústi á Evrópumótaröðinni. Hann hefur einu sinni komist í gegnum niðurskurðinn á Evrópumótaröðinni og endaði þá í 57. sæti á Euram Bank Open sem fram fór í Austurríki í byrjun ágúst á þessu ári.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.