Viðskipti innlent

Icelandair fékk 2,9 milljarða vegna tæplega tvö þúsund starfsmanna

Tryggvi Páll Tryggvason skrifar
Fyrirtæki á vegum Icelandair Group eru fyrirferðarmikil á listanum.
Fyrirtæki á vegum Icelandair Group eru fyrirferðarmikil á listanum. Vísir/Vilhelm

Íslenska ríkið greiddi Icelandair ehf. alls 2,9 milljarða í stuðning vegna greiðslu hluta launakostnaðar á uppsagnarfresti vegna 1.889 starfsmanna félagsins.

Þetta kemur fram á vef Skattsins þar sem birt er yfirlit yfir þá rekstraraðila sem fengið hafa greiddan stuðning vegna hluta launakostnaðar á uppsagnarfresti, þó á listanum megi aðeins finna rekstraraðila með fleiri en tuttugu starfsmenn, vegna persónuverndarsjónarmiða.

Um er að ræða uppsafnaða fjárhæð vegna launakostnaðar í maí, júní og júlí á þessu ári en Flugleiðahótel kemur næst með 452 milljóna króna stuðning vegna 480 starfsmanna.

Íslandshótel er þar á eftir með 435 milljón króna stuðning vegna 467 starfsmanna. Þar á eftir Bláa lónið með 425 milljón króna stuðning vegna 540 starfsmanna.

Raunar raðast ferðaþjónustufyrirtæki í flest toppsætin á lista Skattsins sem sjá má hér.

Fréttir af flugi Icelandair Faraldur kórónuveiru (COVID-19) Vinnumarkaður


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið