Setur kubb í bílinn, hagar þér vel í umferðinni og færð afslátt af tryggingum Stefán Ó. Jónsson skrifar 21. ágúst 2020 15:00 Helgi Bjarnason, forstjóri VÍS, hyggst bjóða viðskiptavinum fyrirtækisins áhugaverðan díl. Leyfðu okkur að fylgjast með akstrinum, keyrðu sómasamlega og þá lækkum við iðgjöldin þín. vísir/vilhelm Stefnt er að því að svokallaður Ökuvísir verði fáanlegur um næstu áramót. Þar er ekki um að ræða nýja undirsíðu Vísis um bíla og samgöngur heldur kubb sem ökumenn setja í bíla sína. Kubburinn er eins konar ökuriti og mun fylgjast með akstri bílstjóra; t.a.m. hvort þeir keyri of hratt eða séu í símanum undir stýri. Gögnin sem verða til í Ökuvísinum hyggst tryggingafélagið VÍS síðan nýta til að lækka tryggingar ökumannanna. Hagi þeir sér með ábyrgum hætti í umferðinni og minnka þannig líkurnar á slysum mega þeir vænta þess að iðgjöldin þeirra verði lægri. Helgi Bjarnason forstjóri VÍS bauð blaðmanni að ræða við sig um nýjungina. Ljóst er að þau hjá tryggingafélaginu eru spennt fyrir henni, en þrír aðrir starfsmenn VÍS hlustuðu á samtal blaðamannsins og Helga í morgun. Ætlunin er að breyta því hvernig tryggingar virka að sögn Helga, Ökuvísirinn er liður í því. Kórónuveiran kveikjan Forstjórinn segir að hugmyndina megi ekki hvað síst rekja til yfirstandandi faraldurs. Eins og kunnugt er dróst akstur mikið saman í fyrstu bylgju faraldursins og samhliða því urðu færri slys, samdrátturinn hljóp víða á tugum prósenta fyrstu vikurnar eftir að samkomuhöft voru innleidd í mars. Tryggingafélög fóru þá sum hver að endurgreiða hluta iðgjalda og segir Helgi að VÍS hafi viljað hugsa þetta til lengri tíma. Sjálfur Ökuvísirinn.vís „Viðskiptavinir sem keyra lítið eða vel eiga að njóta þess, ekki bara vegna ástands eins og COVID-19. Það verður því að vera til staðar heildstæð lausn til lengri tíma. Með þessu geta viðskiptavinir stjórnað iðgjöldunum sínum,“ segir Helgi. Hann tekur sumarið sem dæmi; fólk sem tekur upp á því að nýta það til þess að hjóla eða rafskutlast í vinnuna, eða bara fara í sumarfí, eigi að uppskera samkvæmt því. Ef það keyrir minna á það að borga minna. Fylgist með fimm þáttum Ökuvísirinn tekur þó ekki aðeins mið af eknum kílómetrum heldur einnig aksturslagi. Ökuvísirinn gefur akstrinum einkunn byggða á eftirfarandi þáttum: Hraða (yfir hámarkshraða) Hröðun/gefið inn snögglega Hemlun/nauðhemlun Hraði í beygjum (ef ekur of hratt í beygju/hard cornering) Símanotkun án handfrjáls búnaðar og skjánotkun ef bíll er á yfir 15 km hraða. Ökuvísirinn er tengdur við síma ökumannsins sem aðstoðar við að safna saman upplýsingunum. Ökumaðurinn fær síðan einkunn fyrir aksturslagið sitt þann mánuðinn og segir Helgi að það verði grunnurinn að því hvað hann mun síðan greiða í iðgjöld. Lækki gjöld og fækki slysum Það sé þó ekki aðeins sparnaður sem vakir fyrir VÍS, að sögn Helga. „Við ætlum að breyta taktinum sem hefur verið í tryggingum almennt; að bíða ekki eftir tjóni heldur einblína á að koma í veg fyrir tjón. Við viljum einfaldlega að viðskiptavinir okkar lendi sjaldnar í slysum,“ segir Helgi segir í þessu samhengi að erlend dæmi sýni fram á fimmtungsfækkun slysa hjá þeim sem nota slíka tækni. Því þó svo að þetta verði í fyrsta sinn sem íslenskt tryggingafélag býðst til að rekja akstur fólks segir Helgi að VÍS sé ekki að finna upp hjólið í þessum efnum. Sama tækni sé að ryðja sér til rúms víða um heim, t.a.m. í Evrópu og Bandaríkjunum og má nefna Tryg og Nationwide í þessu samhengi. Þá séu um fimm milljón manns um allan heim sem nota lausnina sem VÍS byggir þessa vöruþróun á. Helgi með kubbinn. Hann segir næstu vikur og mánuði fara í prófanir.vísir/vilhelm Afsláttur í skiptum fyrir eftirlit? Fordæmið sé því til staðar, aðferðafræðin sé skýr og fyrir vikið sé búið að kljást við öll helstu persónuverndarálitamálin. Helgi segir lagaumgjörðina liggja fyrir og að VÍS muni ekki nýta gögnin sem verða til með öðrum hætti en rúmast innan ramma laganna. „Við höfum hugað vel að persónuvernd í allri þróun á Ökuvísinum og höfum meðal annars sett okkur í samband við Persónuvernd,“ segir Helgi. Upplýst samþykki viðskiptavina þurfi þannig að liggja skýrt fyrir áður en Ökuvísirinn er virkjaður. Blaðamaðurinn hefur þó sínar efasemdir. En nú verða flest slys á heimilum fólks. Er þá ekki næsta skref að bjóða viðskiptavinum VÍS að setja upp öryggismyndavélar heima hjá sér sem streyma beint til ykkar? Bjóða þeim afslátt af tryggingum og þannig koma í veg fyrir slys? „Haha, það er nú kannski á öðrum stað en við erum að hugsa þetta,“ segir Helgi. „Þetta snýst ekki um að við fylgjumst með því hvað fólk gerir hverja mínútu þann daginn.“ VÍS leggi mikið upp úr upplýsingaöryggi og persónuvernd, Ökuvísirinn gangi ekki gegn því. Helgi segir þó að VÍS fylgist vel með þeirri þróun sem er að eiga sér stað í heiminum í þessa átt. Tryggingafélagið geti þannig alveg hugsað sér að halda áfram á þessari vegferð en ekkert sé þó annað í pípunum hjá VÍS í þessum efnum en Ökuvísirinn. Upphæðir sem skipti máli Það sé þó nokkrum spurningum enn ósvarað. Til að mynda hvað hinn „fullkomni ökumaður“ má búast við því að fá mikinn afslátt af iðgjöldunum sínum. Helgi segir hins vegar að þar verði um að ræða „upphæðir sem skipta máli.“ Þetta geti þannig komið ungum ökumönnum sér vel enda greiða þeir að jafnaði hærri iðgjöld á fyrstu árunum. VÍS hyggst leita til viðskiptavina sinna í næstu viku og óska eftir fólki til að prófa Ökuvísinn. Næstu vikur og mánuðir munu að sögn Helga fara í að þróa útfærsluna í samráði við viðskiptavinina, en eins og fyrr segir áætlar VÍS að Ökuvísirinn verði formlega kominn í gagnið um áramót. Tryggingar Samgöngur Samgönguslys Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Mikill samdráttur á hagnaði Tesla Viðskipti erlent Reynslunni ríkari og opnar Wilson‘s Pizza á ný Viðskipti innlent Tekjuhæsti fyrsti ársfjórðungur í sögu Icelandair Viðskipti innlent Stefna að opnun Fiskbúðarinnar við Sundlaugaveg í maí Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Ný kynslóð vélmenna vekur óhug Viðskipti erlent Helmingur Íslendinga sáttur við falsanir og eftirlíkanir Neytendur Ljúfustu stundirnar þegar allir eru saman í hjónarúminu Atvinnulíf Stöð 2+ lækkar verð Neytendur Hefja viðræður um kaup á 47 þúsund fermetrum af atvinnuhúsnæði Viðskipti innlent Fleiri fréttir Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Sjá meira
Stefnt er að því að svokallaður Ökuvísir verði fáanlegur um næstu áramót. Þar er ekki um að ræða nýja undirsíðu Vísis um bíla og samgöngur heldur kubb sem ökumenn setja í bíla sína. Kubburinn er eins konar ökuriti og mun fylgjast með akstri bílstjóra; t.a.m. hvort þeir keyri of hratt eða séu í símanum undir stýri. Gögnin sem verða til í Ökuvísinum hyggst tryggingafélagið VÍS síðan nýta til að lækka tryggingar ökumannanna. Hagi þeir sér með ábyrgum hætti í umferðinni og minnka þannig líkurnar á slysum mega þeir vænta þess að iðgjöldin þeirra verði lægri. Helgi Bjarnason forstjóri VÍS bauð blaðmanni að ræða við sig um nýjungina. Ljóst er að þau hjá tryggingafélaginu eru spennt fyrir henni, en þrír aðrir starfsmenn VÍS hlustuðu á samtal blaðamannsins og Helga í morgun. Ætlunin er að breyta því hvernig tryggingar virka að sögn Helga, Ökuvísirinn er liður í því. Kórónuveiran kveikjan Forstjórinn segir að hugmyndina megi ekki hvað síst rekja til yfirstandandi faraldurs. Eins og kunnugt er dróst akstur mikið saman í fyrstu bylgju faraldursins og samhliða því urðu færri slys, samdrátturinn hljóp víða á tugum prósenta fyrstu vikurnar eftir að samkomuhöft voru innleidd í mars. Tryggingafélög fóru þá sum hver að endurgreiða hluta iðgjalda og segir Helgi að VÍS hafi viljað hugsa þetta til lengri tíma. Sjálfur Ökuvísirinn.vís „Viðskiptavinir sem keyra lítið eða vel eiga að njóta þess, ekki bara vegna ástands eins og COVID-19. Það verður því að vera til staðar heildstæð lausn til lengri tíma. Með þessu geta viðskiptavinir stjórnað iðgjöldunum sínum,“ segir Helgi. Hann tekur sumarið sem dæmi; fólk sem tekur upp á því að nýta það til þess að hjóla eða rafskutlast í vinnuna, eða bara fara í sumarfí, eigi að uppskera samkvæmt því. Ef það keyrir minna á það að borga minna. Fylgist með fimm þáttum Ökuvísirinn tekur þó ekki aðeins mið af eknum kílómetrum heldur einnig aksturslagi. Ökuvísirinn gefur akstrinum einkunn byggða á eftirfarandi þáttum: Hraða (yfir hámarkshraða) Hröðun/gefið inn snögglega Hemlun/nauðhemlun Hraði í beygjum (ef ekur of hratt í beygju/hard cornering) Símanotkun án handfrjáls búnaðar og skjánotkun ef bíll er á yfir 15 km hraða. Ökuvísirinn er tengdur við síma ökumannsins sem aðstoðar við að safna saman upplýsingunum. Ökumaðurinn fær síðan einkunn fyrir aksturslagið sitt þann mánuðinn og segir Helgi að það verði grunnurinn að því hvað hann mun síðan greiða í iðgjöld. Lækki gjöld og fækki slysum Það sé þó ekki aðeins sparnaður sem vakir fyrir VÍS, að sögn Helga. „Við ætlum að breyta taktinum sem hefur verið í tryggingum almennt; að bíða ekki eftir tjóni heldur einblína á að koma í veg fyrir tjón. Við viljum einfaldlega að viðskiptavinir okkar lendi sjaldnar í slysum,“ segir Helgi segir í þessu samhengi að erlend dæmi sýni fram á fimmtungsfækkun slysa hjá þeim sem nota slíka tækni. Því þó svo að þetta verði í fyrsta sinn sem íslenskt tryggingafélag býðst til að rekja akstur fólks segir Helgi að VÍS sé ekki að finna upp hjólið í þessum efnum. Sama tækni sé að ryðja sér til rúms víða um heim, t.a.m. í Evrópu og Bandaríkjunum og má nefna Tryg og Nationwide í þessu samhengi. Þá séu um fimm milljón manns um allan heim sem nota lausnina sem VÍS byggir þessa vöruþróun á. Helgi með kubbinn. Hann segir næstu vikur og mánuði fara í prófanir.vísir/vilhelm Afsláttur í skiptum fyrir eftirlit? Fordæmið sé því til staðar, aðferðafræðin sé skýr og fyrir vikið sé búið að kljást við öll helstu persónuverndarálitamálin. Helgi segir lagaumgjörðina liggja fyrir og að VÍS muni ekki nýta gögnin sem verða til með öðrum hætti en rúmast innan ramma laganna. „Við höfum hugað vel að persónuvernd í allri þróun á Ökuvísinum og höfum meðal annars sett okkur í samband við Persónuvernd,“ segir Helgi. Upplýst samþykki viðskiptavina þurfi þannig að liggja skýrt fyrir áður en Ökuvísirinn er virkjaður. Blaðamaðurinn hefur þó sínar efasemdir. En nú verða flest slys á heimilum fólks. Er þá ekki næsta skref að bjóða viðskiptavinum VÍS að setja upp öryggismyndavélar heima hjá sér sem streyma beint til ykkar? Bjóða þeim afslátt af tryggingum og þannig koma í veg fyrir slys? „Haha, það er nú kannski á öðrum stað en við erum að hugsa þetta,“ segir Helgi. „Þetta snýst ekki um að við fylgjumst með því hvað fólk gerir hverja mínútu þann daginn.“ VÍS leggi mikið upp úr upplýsingaöryggi og persónuvernd, Ökuvísirinn gangi ekki gegn því. Helgi segir þó að VÍS fylgist vel með þeirri þróun sem er að eiga sér stað í heiminum í þessa átt. Tryggingafélagið geti þannig alveg hugsað sér að halda áfram á þessari vegferð en ekkert sé þó annað í pípunum hjá VÍS í þessum efnum en Ökuvísirinn. Upphæðir sem skipti máli Það sé þó nokkrum spurningum enn ósvarað. Til að mynda hvað hinn „fullkomni ökumaður“ má búast við því að fá mikinn afslátt af iðgjöldunum sínum. Helgi segir hins vegar að þar verði um að ræða „upphæðir sem skipta máli.“ Þetta geti þannig komið ungum ökumönnum sér vel enda greiða þeir að jafnaði hærri iðgjöld á fyrstu árunum. VÍS hyggst leita til viðskiptavina sinna í næstu viku og óska eftir fólki til að prófa Ökuvísinn. Næstu vikur og mánuðir munu að sögn Helga fara í að þróa útfærsluna í samráði við viðskiptavinina, en eins og fyrr segir áætlar VÍS að Ökuvísirinn verði formlega kominn í gagnið um áramót.
Tryggingar Samgöngur Samgönguslys Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Mikill samdráttur á hagnaði Tesla Viðskipti erlent Reynslunni ríkari og opnar Wilson‘s Pizza á ný Viðskipti innlent Tekjuhæsti fyrsti ársfjórðungur í sögu Icelandair Viðskipti innlent Stefna að opnun Fiskbúðarinnar við Sundlaugaveg í maí Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Ný kynslóð vélmenna vekur óhug Viðskipti erlent Helmingur Íslendinga sáttur við falsanir og eftirlíkanir Neytendur Ljúfustu stundirnar þegar allir eru saman í hjónarúminu Atvinnulíf Stöð 2+ lækkar verð Neytendur Hefja viðræður um kaup á 47 þúsund fermetrum af atvinnuhúsnæði Viðskipti innlent Fleiri fréttir Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Sjá meira