Viðskipti innlent

Guðni og Eliza opnuðu Menigaskrifstofu í Varsjá

Stefán Ó. Jónsson skrifar
Forsetahjónin og Menigamenn í Varsjá í gær.
Forsetahjónin og Menigamenn í Varsjá í gær. Meniga

Forsetahjónin íslensku, þau Guðni Th. Jóhannesson og Eliza Reid, voru viðstödd opnun nýrrar skrifstofu íslenska fjártæknifyrirtækisins Meniga í pólsku höfuðborginni Varsjá í gær. Það féll í þeirra skaut að opna skrifstofuna formlega en þau eru nú í opinberri heimsókn í Póllandi.

Meniga hefur verið með skrifstofu í Póllandi síðan í september 2017 en starfsmannafjöldinn hefur tvöfaldast á þeim tíma. Samkvæmt upplýsingum frá Meninga munu starfa um 45 á nýju skrifstofunni í Varsjá og er því orðin næst stærsta skrifstofa Meniga á eftir þeirri íslensku.

Auk Íslands og Póllands er Meniga með útibú í Stokkhólmi, Lundúnum, Barcelona og Singapúr. Starfsmenn fyrirtækisins eru um 160 í dag.

Í Varsjá í gær voru auk forsetahjónanna þeir Viggó og Ásgeir Örn Ásgeirssynir, tveir af þremur stofnendum Meniga. Það verður þó í verkahring Pawel Rządziński að stýra núverandi og komandi verkefnum fyrirtækisins á þessu svæði.

Forseti Íslands Íslendingar erlendis Íslenskir bankar Nýsköpun Tækni Fjártækni


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið