Viðskipti innlent

Geta nú valið á milli sýnatöku og 14 daga sóttkvíar

Gunnar Reynir Valþórsson skrifar
Ferðamenn á Suðurlandi.
Ferðamenn á Suðurlandi. Vísir/Vilhelm

Farþegar sem koma til Íslands frá og deginum í dag geta valið á milli þess að fara í tvær sýnatökur vegna COVID-19 með 5 daga sóttkví á milli þar til niðurstaða seinni sýnatöku liggur fyrir, eða sleppa sýnatöku og sitja í 14 daga sóttkví frá komunni til landsins. Nýju reglurnar tóku gildi á miðnætti.

Danska utanríkisráðuneytið sendi frá sér yfirlýsingu á Twitter í gærkvöldi þar sem Dönum er ráðið frá því að ferðast hingað til lands að nauðsynjalausu vegna nýju reglnana, en Danir hafa verið fjölmennir í þeim hópi ferðamanna sem hingað hefur komið í sumar.

Samkvæmt heimasíðu Isavia var Icelandair með tíu áætlaðar komu flugvéla hingað til lands í dag en fjórum þeirra hefur verið aflýst, frá London, Brussel, Kaupmannahöfn og París. Nokkur önnur flugfélög eru einnig með áætlaðar komur til landsins í dag.

Ferðamennska á Íslandi Faraldur kórónuveiru (COVID-19) Keflavíkurflugvöllur


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið