Hlýtt um land allt í dag

Spáð er hlýju veðri í mörgum landshlutum í dag og hægum vindi. Hiti verður yfir 16 eða 17 gráðum ef spár ganga eftir en allt að 22 gráður norðaustantil í björtu veðri. Þó gæti verið að ekki verði jafn hlýtt á Suðurlandi, en þar verða allt að 14 stig og skýjað.

Áfram verður hæg breytileg átt á morgun, austan 5 til 10 með suðurströndinni. Áfram álíka hlýtt ef ekki hlýrra og hiti allt að 22 stig á Austurlandi. Víða eru líkur á þokulofti við ströndina og þá ekki jafn hlýtt þar.