Viðskipti erlent

Trump hótaði Evrópusambandsríkjum háum tollum á bíla

Kjartan Kjartansson skrifar
Trump með dóttur sinn Ivönku á efnahagsráðstefnunni í Davos í Sviss.
Trump með dóttur sinn Ivönku á efnahagsráðstefnunni í Davos í Sviss. Vísir/EPA

Fallist Evrópusambandið ekki á nýjan verslunarsamning með hagstæðari skilmálum fyrir Bandaríkin ætlar Donald Trump Bandaríkjaforseti að leggja háa tolla á innflutta evrópska bíla. Þessu hótaði Trump á efnahagsráðstefnunni í Davos í dag eftir að hann fundaði með Ursulu von der Leyen, forseta framkvæmdastjórnar sambandsins.

Í viðtali við CNBC-sjónvarpsstöðina sagði Trump að Evrópusambandið ætti engra annarra kosta völ en að semja við Bandaríkin um viðskipti.

„Á endanum verður það mjög auðvelt vegna þess að ef við náum ekki samningum verðum við að leggja 25% tolla á bílana þeirra,“ sagði Trump í öðru viðtali við Fox-viðskiptastöðina.

Emily Haber, þýskir sendiherrann í Washington-borg, sagði að Evrópusambandið væri jafnsterkt efnahagslega og Bandaríkin, að því er segir í frétt Reuters-fréttastofunnar. Sambandið myndi svara slíkum tollum í sömu mynt. Gagnkvæmir tollar kæmu þó niður á efnahag beggja að mati Philippe Etienne, franska sendiherrans.

Trump hefur háð tollastríð gegn bæði bandamönnum og andstæðingum undanfarin misseri. Tollarnir hafa í sumum tilfellum verið réttlættir með þeim rökum að innfluttar vörur eins og stál og ál ógni þjóðaröryggi Bandaríkjanna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SIMINN
4,14
29
788.349
FESTI
2,49
19
795.994
SYN
2,03
5
84.336
MAREL
1,84
31
1.221.491
HEIMA
1,45
5
12.357

Mesta lækkun dagsins


Félag
Br.%
Fjöldi
Velta*
ICEAIR
-1,17
6
110.665
TM
-0,74
7
117.685
SJOVA
-0,71
5
55.817
ORIGO
-0,66
1
105
EIM
-0,6
6
41.667
Velkomin á Vísi. Þessi vefur notar vafrakökur. Sjá nánar.