Bílar

Íslendingar geta pantað nýjan eðalrafbíl

Kristinn Ásgeir Gylfason skrifar
Lucid Air
Lucid Air Vísir/Lucid Motors

Bílaframleiðadinn Lucid Motors hefur tilkynnt um að valin lönd í Evrópu geti nú pantað nýjan Lucid Air, eðalrafbíl framleiðandans. Ísland er á meðal þeirra landa.

Evrópulöndin sem um ræðir eru auk Íslands: Austurríki, Belgía, Danmörk, Finland, Frakkland, Þýskaland, Ítalía, Mónakó, Holland, Noregur, Spánn, Svíþjóð, Sviss og Bretland.

Viðskiptavinir þurfa að leggja fram staðfestingagreiðslu að fjárhæð 1.000 dollara eða um 125.000 krónur. Samkvæmt tilkynningu Lucid Motors má búast við að bílar fari að skila sér til kaupenda seint á næsta ári. Leggja má inn pöntun hér.

Innra rýmið í Lucid Air. Vísir/Lucid Motors.

Lucid Air verður kynntur í New York í apríl. Óvíst er hvort það verður sérstakt tilefni eða hvort það verður hluti af bílasýningunni í New York.

Lucid Air á að hafa um 640 kílómetra drægni og komast frá 0-100 km/klst á um 2,5 sekúndum.

„Þetta eru spennandi tímar hjá Lucid. Við erum að stækka ótrúlega hratt, við erum að ljúka við verksmiðjuna okkar og fyrstu eintökin af Air eru væntanleg í lok árs 2020. Fyrstu bílarnir verða svo afhentir ári eftir það í Evrópu. Okkur þótti því tilefnið rétt að tilkynna um sölu á því svæði, svæði sem hefur tekið fagnandi á móti umhverfisvænni samgöngumátum, það er nsta markaðssvæði fyrir Luci,“ sagði framkvæmdastjóri Lucid Motors, Peter Rawlinson.


Tengdar fréttir

Rafbílasýning hjá Öskju

Bílaumboðið Askja heldur Rafbíladag Kia í Kia húsinu að Krókhálsi 13, á morgun, laugardag klukkan 12-16. Þar verður lína vistvænna Kia bíla sýnd.

Fisker Ocean mun hafa feiknamikið afl

Bandaríski rafbílaframleiðandinn Fisker hefur nú gefið út tölur yfir frammistöðu nýjustu afurðar sinnar, Ocean. Jepplingurinn mun fara úr kyrrstöðu upp í 100 km/klst á innan við þremur sekúndum, það er öflugasta útgáfan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.