Fótbolti

Eriksen verður númer 24 hjá Inter

Ingvi Þór Sæmundsson skrifar
Eriksen á æfingu með Inter í dag.
Eriksen á æfingu með Inter í dag. vísir/getty

Christian Eriksen verður með númerið 24 hjá Inter. Ítalska félagið keypti danska landsliðsmanninn frá Tottenham í dag.


Freistandi er að ætla að með valinu á treyjunúmerinu sé Eriksen að heiðra minningu Kobe Bryant sem var númer 24 síðustu tíu árin sín hjá Los Angeles Lakers.

Eriksen var númer 23 hjá Tottenham en Nicolo Barella er með það númer hjá Inter. Hjá danska landsliðinu er Eriksen númer 10 en Lautaro Martínez er með það númer á bakinu hjá Inter.

Þegar Eriksen lék með Ajax var hann númer 8, sem var gamla númerið hans Kobe hjá Lakers.

Talið er að Inter hafi greitt Tottenham tæpar 17 milljónir punda fyrir Eriksen sem átti aðeins nokkra mánuði eftir af samningi sínum við Spurs.


Tengdar fréttir

Eriksen orðinn leikmaður Inter

Danski landsliðsmaðurinn er genginn í raðir Inter sem heldur áfram að fá leikmenn úr ensku úrvalsdeildinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.