Tíska og hönnun

Fyrsta fata- og fylgi­hluta­lína IKEA er komin út í Japan

Ása Ninna Pétursdóttir skrifar
Fyrsta fata- og fylgihlutalína IKEA skartar fötum með strikamerki hinnar víðfrægu Billy bókahillu. 
Fyrsta fata- og fylgihlutalína IKEA skartar fötum með strikamerki hinnar víðfrægu Billy bókahillu.  IKEA í Japan

IKEA er kannski ekki það fyrsta sem kemur upp í hugann þegar talað er um Japan eða japanska hönnun en nú hefur sænski húsgagnarisinn IKEA framleitt sína fyrstu fata- og fylgihlutalínu í samstarfi við IKEA í Japan. 

Fatnaður undir áhrifum IKEA merkisins fræga, gula og bláa, hefur ósjaldan ratað á tískupallana hjá þekktum hönnuðum og eru allskyns útgáfur af IKEA logo-stuttermabolum ósjaldséðir á götum Tokyoborgar. Á heimasíðu IKEA í Japan er sagt að nú sé kominn tími fyrir alvöru IKEA tískuvarning. 

Línan er samstarfsverkefni IKEA í Svíþjóð og IKEA í Japan og er hún til að byrja með einungis seld í IKEA verslunum í Japan og í netsölu. IKEA í Japan

Línan ber nafnið ‘EFTERTRÄDA Collection’ og kom hún út í Japan þann 31. júlí síðastliðinn. Til að byrja með verður línan eingöngu seld í Japan og í netsölu en óvíst er hvort línan muni verða fáanleg í öðrum löndum síðar. 

Hönnun línunnar er undir miklu áhrifum af Japanskri götutísku sem og fólkinu í Tokyo. 

Mynd af heimasíðu IKEA í Japan

Strikamerki hinnar frægu Billy bókahillu er notað sem aðalgrafík línunnar sem samanstendur meðal annars af stuttermabol, hettupeysu, handklæði, handtösku, regnhlíf, vatnsbrúsa og handklæði. 

Hægt er að nálgast bæklinginn fyrir línuna hér. 

Fötin í línunni eru merkt strikamerki Billy bókahillunnar að framan og IKEA logoinu að aftan. Mynd af heimasíðu IKEA í Japan

Tengdar fréttir

Skartgripahönnuður breytir andlitsgrímum í fallega fylgihluti

Þýski skartgripahönnuðurinn Saskia Diez hefur hlotið mikla ahygli fyrir fallega hönnun og frumlega nálgun á andlitsgrímum en hún var ein af fyrstu hönnuðunum til að bæta andlitsgrímum við línuna sína í kjölfar heimsfaraldurs. 

„Fólk er endalaust að herma eftir náunganum“

Þegar Alina Vilhjálmsdóttir missti vinnuna ákvað hún að láta drauminn rætast og byrja með sitt eigið fyrirtæki. Alina rekur fyrirtækið Andartak sem aðstoðar brúðhjón við undirbúninginn, meðal annars með persónulegum boðskortum.

„Ávallt meðvituð um að við gætum þurft að hætta við allt“

„Það er ótrúlegur léttir að geta sagt að HönnunarMars í júní hafi farið fram úr björtustu vonum teymisins og við eru í skýjunum með hversu frábærlega vel til tókst með hátíðina,“ segir Þórey Einarsdóttir stjórnandi hátíðarinnar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.