Viðskipti innlent

Aldrei fleiri nýnemar í HR

Atli Ísleifsson skrifar
Frá nýnemadögum í Háskólanum í Reykjavík fyrr í dag.
Frá nýnemadögum í Háskólanum í Reykjavík fyrr í dag. HR

Alls hefja 1.700 nýnemar nám við Háskólann í Reykjavík í grunnnámi, meistaranámi og doktorsnámi nú í haust. Aldrei hafa fleiri nýnemar hafið nám í háskólanum og eru þeir tæplega 20 prósent fleiri en í fyrra.

Þetta kemur fram í tilkynningu frá skólanum, en auk þess munu um hundrað skiptinemar stunda nám við háskólann á haustönn.

Nýnemadagar fara fram í skólanum í dag og á morgun en þar munu nýnemar hitta kennara sína og samnemendur og fá kynningu á aðstöðu og þjónustu í skólanum, félagslífinu og ýmsu fleiru.

„Vegna sóttvarnartakmarkana var nýnemum skipt upp í hópa og dagskráin stytt frá hefðbundnum nýnemadögum. Í byrjun annar mun háskólinn svo bjóða upp á stutta fyrirlestra á netinu sérstaklega ætlaða nýnemum, um ýmislegt það sem þarf að hafa í huga við upphaf háskólastarfs á tímum covid,“ segir í tilkynningunni.

Samkvæmt reglum verða eins metra nálægðartakmörk í gildi í skólum.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×