Veiði

Ytri Rangá að komast í gang

Karl Lúðvíksson skrifar
Flottur lax sem veiddist í Ytri Rangá í vikunni
Flottur lax sem veiddist í Ytri Rangá í vikunni Mynd: Bjarki Már Jóhannsson

Ytri Rangá hefur loksins verið að koma inn eftir frekar rólega byrjun en besti tíminn í ánni er framundan.

Það er ekkert óeðlilegt að Ytri Rangá komi inn á þessum tíma og í raun er þetta tíminn sem hún er yfirleitt að koma sterk inn. Það hafa verið að veiðast 30-40 laxar á dag og dagurinn í gær var með þeim betri hingað til en það er greinilega að koma smá kraftur í göngurnar. Heildarveiðin í ánni er 328 laxar en það er uppgefin tala frá síðasta miðvikudegi sem er svipuð veiði og hún var 2018 þegar áinn fór í 4.032 laxa. Það sumar var mjög dæmigert fyrir Ytri Rangá þegar um miðjan júlí veiðin fór á fullt og 500 laxa vikurnar sem áinn er þekkt fyrir ásamt systuránni duttu inn.

Veiðitölur úr Ytri Rangá skekkjast líklega aðeins í sumar því þar eins og víða í öðrum ám eru fáir erlendir veiðimenn og margir hafa afboðað sig með stuttum fyrirvara. Þá er erfitt að selja þessar lausu stangir og það eru færri að veiða sem eðlilega hefur áhrif á heildarveiðina. Það er engu að síður gott líf í ánni og það verður spennandi að sjá hvað gerist þar næstu vikuna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.