Veiði

Lifnar yfir Ytri Rangá

Karl Lúðvíksson skrifar
Tveir laxar þreyttir á sama tíma í Djúpós í Ytri Rangá
Tveir laxar þreyttir á sama tíma í Djúpós í Ytri Rangá

Ytri Rangá er samkvæmt okkar fréttum að komast á flug líka eins og systur áin en það er sama sagan í Ytri að síðustu tvær dagar hafa verið mjög fínir.

Í gærmorgun komu 17 á land á morgunvaktinni og 18 laxar sem sluppu. Töluvert hefur verið að sjást af laxi síðustu tvo dagana á neðri svæðunum og greinilegt að það er mikil ferð á fiskinum. Aðstæður hafa verið góðar en eins og þeir sem þekkja Ytri Rangá vita er blíðskaparveður í þessa á oft besta veiðiveðrið. 

Þeir sem eiga leið í Ytri Rangá á næstunni ættu að prófa eitt. Það hefur nefnilega lengi loðað við ánna að nota sömu verkfæri og í Eystri, þ.e.a.s. sökkenda og mjög litríkar túpur. Aðstæður í ánum gætu þó ekki verið frábrugðnari þar sem Ytri er tær og fiskurinn sér flugurnar mjög vel. Ef þú átt leið í Ytri ætti þú að prófa eitt til dæmis í Rangárvaði, Djúpós, Tjarnarbrekkuflóti, Klöpp, já og meira að segja á breiðunni fyrir neðan Árbæjarfoss. Notaðu bara flotlínu, minnkaðu aðeins flugurnar og að síðustu farðu yfir veiðistaðinn með meðalstærð af Sunray á stuttu hröðu strippi. Með þessu færðu yfirborðstökur og það er varla nokkuð skemmtilegra í laxveiði en að horfa á hann rjúfa yfirborðið til að ráðast á fluguna.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.