Björgunarsveitir aðstoða við leit að Maríu

Kristín Ólafsdóttir skrifar 3. júlí 2020 11:03

Leit á Höfuðborgarsvæðinu af Hafþóri Helgasyni Foto: Vilhelm Gunnarsson

Leit lögreglu að Maríu Ósk Sigurðardóttur, sem lýst var eftir í nótt, stendur enn yfir og hafa björgunarsveitir verið kallaðar út til aðstoðar. Þetta kemur fram í tilkynningu frá lögreglu. Samkvæmt upplýsingum frá Landsbjörgu hafa nokkrir hópar björgunarsveita verið kallaðir út vegna leitarinnar og verið er að skoða hvort fleiri hópar verði kallaðir út.

María er 43 ára og er til heimilis í Grafarvogi í Reykjavík. Hún er með húðflúr á hlið vinstri handar, 163 sentímetrar á hæð, grannvaxin og með gráleitt, axlarsítt hár. Hún er líklega klædd í svartar gallabuxur og lopapeysu, svarta og hvíta yfir mitti. María hefur auk þess til umráða hvítan Dacia Duster, skráninganúmer VY-J76.

Þeir sem geta gefið upplýsingar um ferðir Maríu, eða vita hvar hún er niðurkomin, eru vinsamlegast beðnir um að hafa tafarlaust samband við lögregluna í síma 112.

Fréttin hefur verið uppfærð.

Lögreglumál Björgunarsveitir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.