Golf

McIlroy: Kylfingum sem er ekki sama um ferillinn sinn ættu að vera hér

Óskar Ófeigur Jónsson skrifar
Rory McIlroy er efstur á heimslistanum og ætlar ekki að missa það sæti.
Rory McIlroy er efstur á heimslistanum og ætlar ekki að missa það sæti. EPA-EFE/ALI HAIDER

Rory McIlroy er einn af þeim evrópskum kylfingum sem eru mættir til Bandaríkjanna til að spila golf þegar bandaríska mótaröðin fer aftur af stað eftir hlé vegna kórónuveirufaraldarins. Fram undan er RBC Heritage mótið í Suður-Karólínu sem er annað PGA-mótið síðan að mótaröðin fór af stað á ný.

Norður-Írinn Rory McIlroy segir að þeir evrópsku kylfingar sem ákváðu það að ferðast ekki til Bandaríkjanna til að taka þátt í PGA-túrnum, geti ekki kvartað mikið, þótt að þeir missi um leið af mikilvægum stigum á heimslistanum.

„Ég segi að ef þér er virkilega annt um ferilinn þinn og þína næstu framtíð þá ættir þú að vera hér,“ sagði Rory McIlroy.

Evrópskir kylfingar sem ákváðu að koma ekki til Bandaríkjanna geta ekki náð í næstu stig fyrr en evrópska mótaröðin fer af stað 22. júlí næstkomandi.

McIlroy hefur ekki samúð með þeim kylfingum sem komu ekki yfir Atlantshafið. Meðal þeirra eru Tommy Fleetwood og Francesco Molinari. Fleetwood er þegar dottinn út af topp tíu listanum.

„Ef ég væri í þeirra sporum, og væri beðinn um að koma til Bandaríkjanna og vera í sóttkví í tvær vikur fyrir þessi mót, þá myndi ég gera það, sagði McIlroy.

„Ég átta mig á því að það koma aðrir hlutir inn í myndina eins og fjölskyldur þeirra og annað. Við höfum samt allir efni á því að leigja fínasta hús á öruggum stað á Flórída. Það er ekki mikil þraut að þurfa að eyða tveimur vikum í sóttkví. Ég skil bara ekki af þessir kylfingar eru að kvarta, sagði McIlroy.

Rory McIlroy er númer eitt á heimslistanum og var í toppbaráttunni fyrir lokadaginn um síðustu helgi. McIlroy lék hins vegar illa á lokahringnum og datt niður í 32. sæti eftir að hafa spilað á fjórum höggum yfir pari.

RBC Heritage mótið verður sýnt beint á Stöð 2 Golf og útsendingin í kvöld hefst klukkan 18.55.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.