Viðskipti erlent

Danske bank yfir­gefur Eist­land

Atli Ísleifsson skrifar
Forsaga málsins er sú að grunur er um að gríðarmikið peningaþvætti hafi átt sér stað í eistnesku útibúi Danske Bank á árunum 2007 til 2015.
Forsaga málsins er sú að grunur er um að gríðarmikið peningaþvætti hafi átt sér stað í eistnesku útibúi Danske Bank á árunum 2007 til 2015. Getty

Danske Bank hefur náð samkomulagi um sölu á eftirstandandi eignum sínum í Eistlandi í kjölfar peningaþvættishneykslis fyrirtæksins. Danske Bank selur starfsemina til eistneska bankans LHV og er söluverðið um 39 milljarðar króna.

Danske Bank seldi fyrir um ári hluta af eistneskri starfsemi sinni til LHV þar sem söluverðið nam um 62 milljörðum. Fáeinum mánuðum fyrir það, eða í febrúar 2019, úrskurðaði eistneska fjármálaeftirlitið að Danske Bank skyldi hætta starfsemi sinni í landinu.

Forsaga málsins er sú að grunur er um að gríðarmikið peningaþvætti hafi átt sér stað í eistnesku útibúi Danske Bank á árunum 2007 til 2015. Leikur grunur á að um 220 milljarðar dollara hafi verið þvættaðir í gegnum útibú danska bankans í Tallinn. Hafa færslur verið tengdar við glæpasamtök í Rússlandi, háttsetta einstaklinga í rússnesku leyniþjónustunni, auk viðskipta við leiðtoga í Norður-Kóreu.

Rannsókn á málinu stendur nú yfir í fjölda ríkja, en tíu fyrrverandi starfsmenn útibús Danske bank í Tallinn voru handteknir vegna gruns um að þeir hafi átt þátt í peningaþvættinu árið 2018.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
3,31
166
513.398
FESTI
1,83
26
1.238.812
ICESEA
1,33
6
146.587
MAREL
1,18
52
1.343.170
VIS
1
10
198.193

Mesta lækkun dagsins


Félag
Br.%
Fjöldi
Velta*
BRIM
-1,9
8
378.967
KVIKA
-1,5
18
452.296
ARION
-1,07
19
277.002
EIM
-0,81
5
11.804
ORIGO
-0,77
13
39.387
Velkomin á Vísi. Þessi vefur notar vafrakökur. Sjá nánar.