Golf

Þær bestu mætast annað sinn á innan við viku

Runólfur Trausti Þórhallsson skrifar
Guðrún Brá og Ólafía Þórunn ræða málin á ÍSAM-mótinu.
Guðrún Brá og Ólafía Þórunn ræða málin á ÍSAM-mótinu. Seth/Golfsamband Íslands

Fyrir ÍSAM-mótið sem fram fór í Mosfellsbæ um síðustu helgi höfðu atvinnukylfingarnir Guðrún Brá Björgvinsdóttir, Ólafía Þórunn Kristinsdóttir og Valdís Þóra Jónsdóttir ekki leikið á einu og sama mótinu síðan 2016.

Nú eru þær að fara mætast í annað sinn á innan við viku en þær eru allar skráðar til leiks á fyrsta stigamóti í mótaröð Golfsambands Íslands sem fram fer í sumar. Mótið fer fram á Garðavelli á Akranesi.

Valdís Þóra verður því á heimavelli en hún endaði í fjórða sæti á ÍSAM-mótinu. Guðrún Brá bar sigur úr býtum eftir sexfaldan bráðabana gegn Ólafíu Þórunni en Guðrún leiddi allt mótið.

Þá eru margir af bestu kylfingum landsins í karlaflokki einnig skráðir til leiks. Þar má nefna Axel Bóasson, Andra Þór Björnsson, Guðmund Ágúst Kristjánsson, Ólaf Björn Loftsson og Harald Franklín Magnússon.


Tengdar fréttir

Guðrún Brá vann eftir sex holu bráðabana

Guðrún Brá Björgvinsdóttir fagnaði sigri á fyrsta golfmóti ársins hér á landi þegar hún hafði betur gegn Ólafíu Þórunni Kristinsdóttur eftir sex holu bráðabana á ÍSAM-mótinu í Mosfellsbæ.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.