Viðskipti innlent

Sam­herji nú með yfir­töku­skyldu í Eim­skip

Kristín Ólafsdóttir skrifar
Björgólfur Jóhannsson, starfandi forstjóri Samherja.
Björgólfur Jóhannsson, starfandi forstjóri Samherja. Vísir/vilhelm

Samherji Holding, systurfélag Samherja hf., hefur aukið hlut sinn í Eimskipafélagi Íslands hf. um 3,05% í 30,11%. Samherji mun nú innan fjögurra vikna gera öðrum hluthöfum tilboð í hlutafé Eimskips svo sem lög áskilja.

Í tilkynningu Samherja segir að tilgangur fyrirtækisins með þessum auknu hlutafjárkaupum sé fyrst og fremst að sýna þá trú sem Samherji hefur á rekstri Eimskips, „þeim árangri sem náðst hefur að undaförnu og á eftir að koma betur í ljós á næstu misserum.“

„Eimskip er allt að einu í meirihlutaeigu íslenskra lífeyrissjóða sem saman eiga rúmlega helming hlutafjár. Er það skilningur minn að stjórn Eimskips og stjórnendur hafi verið einhuga um þær miklu breytingar sem gerðar hafa verið á rekstrinum. Samherji telur Eimskip vel til þess fallið að vera áfram skráð í kauphöll og vonar að sem flestir hluthafar, stórir og smáir, sjái hag sínum best borgið með því að styðja áfram við þá uppbyggingu og fylgi félaginu um ókomin ár,“ segir Björgólfur Jóhannsson, sitjandi forstjóri Samherja, í tilkynningu.

Samkvæmt lögum um verðbréfaviðskipti myndast yfirtökuskylda þegar eignarhlutur í félagi fer yfir 30%. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
TM
3,82
11
225.684
SYN
3,65
9
11.564
ARION
1,51
50
1.351.374
EIM
1,49
5
611
KVIKA
1,43
3
32.124

Mesta lækkun dagsins


Félag
Br.%
Fjöldi
Velta*
ICEAIR
-8,33
78
16.099
SIMINN
-4,19
19
295.432
FESTI
-2,31
9
51.897
EIK
-1,66
5
23.047
SJOVA
-1,45
12
46.997
Velkomin á Vísi. Þessi vefur notar vafrakökur. Sjá nánar.