Viðskipti erlent

Sádar boða enn meiri olíuframleiðslu í verðstríði við Rússa

Kjartan Kjartansson skrifar
Öryggisvörður með andlitsgrímu vegna kórónuveirunnar við höfuðstöðvar Aramco í Jiddah í Sádi-Arabíu.
Öryggisvörður með andlitsgrímu vegna kórónuveirunnar við höfuðstöðvar Aramco í Jiddah í Sádi-Arabíu. AP/Amr Nabil

Engin þíða virðist væntanleg í deilum Sádi-Arabíu og Rússlands um olíuverð og hafa stjórnvöld í Ríad nú boðað að þau muni auka framleiðslu sína meira en áður hefur sést í apríl. Þau gera einnig lítið úr umleitunum Rússa um viðræður við OPEC, samtök olíuútflutningsríkja.

Verð á hráolíu hrundi um 25% vegna deilna Sáda og Rússa í gær. OPEC samþykkti fyrir helgi að draga úr framleiðslu á olíu til að verja verð á henni í skugga minnkandi eftirspurnar vegna kórónuveirunnar sem breiðist nú um heiminn.

Rússar höfnuðu því að taka þátt í aðgerðunum á föstudag og hófu Sádar þá verðstríð til að þvinga Rússa til að gefa eftir. Verðfallið leiddi til hruns á hlutabréfamörkuðum víða um heim. Í Bandaríkin voru viðskipti í kauphöllinni í New York stöðvuð sjálfkrafa skömmu eftir opnun þegar hlutabréfaverð hríðlækkaði um 7% á örfáum mínútum.

Amin Nasser, forstjóri Aramco, opinbers olíufélags Sádi-Arabíu, segir að það ætli að auka framboð á olíu í 12,3 milljónir tunna á dag í apríl. Það er 300.000 tunnum yfir framleiðslugetu félagsins sem Reuters-fréttastofan segir benda til þess að Sádar ætli að byrja að selja úr hráolíulager sem þeir halda til að stýra heimsmarkaðsverði.

Bæði ríki tilbúin í langvarandi verðstríð

Rússnesk stjórnvöld höfðu sagst opin fyrir viðræðum við OPEC en Abdulaziz bin Salman, orkumálaráðherra Sádi-Arabíu, virtist skjóta þá hugmynd niður í dag.

„Ég sé ekki viskuna í því að halda fundi í maí-júní sem myndu aðeins opinbera að okkur hafi mistekist í að taka á því sem við hefðum átt að gera í neyð eins og þessari og að grípa til nauðsynlegra ráðstafana,“ sagði ráðherrann.

Orkumálaráðuneyti Rússlands hefur boðað stjórnendur þarlendra olíufyrirtækja á fund á morgun til að ræða samstarfið við OPEC. Mögulegt er að Rússar auki sína framleiðslu einnig sem gæti lækkað olíuverð enn frekar.

Reuters segir að bæði Rússar og Sádar hafi úr verulegum varasjóði að moða og að báðar þjóðir séu því vel undirbúnar til að standa í langvinnu verðstríði.


Tengdar fréttir

Bölmóður á mörkuðum eftir verðfall á olíu

Helstu vísitölur í Evrópu og Asíu féllu verulega eftir um það bill fimmtungslækkun á heimsmarkaðsverði olíu í nótt. Hrunið kyndir undir ótta við heimskreppu vegna kórónuveirufaraldursins sem breiðist nú um heiminn.

Markaðir vestanhafs braggast eftir mikla lækkun

Lækkanir gærdagsins sem raktar voru til áhyggna af kórónuveirunni gengu til baka að hluta við opnun markaða í dag. Bandaríkjastjórn ætlar að kynna mótvægisaðgerðir vegna efnahagslegra áhrifa faraldursins í dag.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,98
6
4.942
VIS
1,07
3
22.680
ICESEA
0,65
1
4.235
HEIMA
0
1
1.554
MAREL
0
1
5.000

Mesta lækkun dagsins


Félag
Br.%
Fjöldi
Velta*
HEIMA
0
1
1.554
MAREL
0
1
5.000
Velkomin á Vísi. Þessi vefur notar vafrakökur. Sjá nánar.