Viðskipti erlent

Deila Sáda og Rússa leiðir til verðfalls olíu

Samúel Karl Ólason skrifar
Tilefni þessarar lækkunar er verðstríð Sádi-Arabíu og Rússlands.
Tilefni þessarar lækkunar er verðstríð Sádi-Arabíu og Rússlands. AP/Gregory Bull

Verð hráolíu tók gífurlega dýfu þegar markaðir opnuðu í nótt og hefur verðhrunið ekki verið meira frá upphafi Persaflóastríðsins árið 1991. Heilt yfir lækkaði verð Brent olíu um um það bil 30 prósent þegar mest var. Tilefni þessarar lækkunar er verðstríð Sádi-Arabíu og Rússlands.

Rússar neituðu að starfa með Samtökum olíuútflutningslanda, eða OPEC, sem Sádar svo gott sem stýra, og draga úr framleiðslu vegna samdráttar í eftirspurn sem rakin er til nýju kórónuveirunnar Covid-19.

Í kjölfar þess lýstu yfirvöld Sádi-Arabíu því yfir að þeir ætluðu að lækka verð olíu þaðan og byrja að selja úr gífurlegum byrgðum ríkisins. Ofan á það ætla Sádar að auka framleiðslu í næsta mánuði, þegar núgildandi samningur OPEC og Rússa rennur úr gildi.

Markmiðið er að refsa Rússlandi en stór hluti tekna ríkisins er kemur frá sölu olíu.

Eins og Reuters fréttaveitan bendir á var síðast gripið til sambærilegra aðgerða árin 2014 og 2016. Þá voru Sádar og Rússar að vinna saman og beita olíuframleiðendur í Bandaríkjunum sem notast við bergbrot (Fracking) þrýstingi.

Á undanförnum áratug hefur bergbrot og aðrar aðferðir aukið olíuframleiðslu Bandaríkjanna til muna og gert ríkið að stærsta olíuframleiðenda heims. Rússar eru í öðru sæti.

Þessar olíuframleiðsluaðferðir Bandaríkjanna eru þó iðulega dýrari en hefðbundnar aðferðir og iðnaðurinn er tiltölulega skuldsettur. Samkæmt CNBC gæti verðstríð Sáda og Rússa komið verst niður á bandarískum olíuframleiðendum.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ARION
1,64
24
390.773
SIMINN
1,63
12
546.925
ORIGO
1,49
14
564.722
ICESEA
1,31
2
889
HAGA
1,07
13
246.087

Mesta lækkun dagsins


Félag
Br.%
Fjöldi
Velta*
MAREL
-0,95
22
135.928
ICEAIR
-0,77
42
122.525
SVN
-0,4
11
165.277
BRIM
0
2
203
REGINN
0
1
30
Velkomin á Vísi. Þessi vefur notar vafrakökur. Sjá nánar.