Lýsir óboðlegu ástandi í einu kjörbúð bæjarins Kristín Ólafsdóttir skrifar 7. janúar 2020 13:24 Nokkrar myndanna sem Linda birti á Facebook í gær. Lengst til hægri má sjá pakka af hráskinku sem hún segir hafa verið í búðinni í gær en á myndinni má sjá að síðasti söludagur var í lok október síðasta árs. Fyrir miðið ber að líta bráðinn ís sem lekur niður eftir ískæli. Samsett Íbúi í Skaftárhreppi lýsir ástandinu í verslun Kjarvals á Kirkjubæjarklaustri, einu matvöruverslun bæjarins, sem óboðlegu; vörur séu útrunnar og innanstokksmunir skítugir. Staðan hafi verið afar slæm í langan tíma. Fleiri viðskiptavinir búðarinnar taka undir lýsingar hennar í Facebook-færslu um málið. Rekstrarstjóri Krónunnar, sem rekur Kjarval, segir að þegar verði tekið á málinu. Næsta búð í 70 kílómetra fjarlægð Linda Ösp Gunnarsdóttir, ábúandi á Syðri-Steinsmýri í nágrenni Kirkjubæjarklausturs, vakti athygli á stöðunni í færslu á Facebook í gær. Þar lýsti hún viðvarandi slæmu ástandi í verslun Kjarvals í bænum. Þar væri myglulykt, matarleifar á veggjum, gólfum og hillum og reykingarlykt úr mjólkurkæli. „Ég sem íbúi Skaftárhrepps er búin að fá mig fullsadda af Kjarvalsversluninni á Kirkjubæjarklaustri. Þetta er eina matvörubúðin á svæðinu fyrir allan hreppinn. Næsta búð er í um 70km fjarlægð! Ástandið er algjörlega óásættanlegt, við höfum ekkert val. Margir íbúar eru búnir að fá sig fullsadda af því ástandi sem ríkir í versluninni,“ skrifar Linda. Með færslunni birtir hún myndir innan úr versluninni sem teknar eru á tímabilinu júlí 2018 til dagsins í dag en flestar þó vorið 2019. Á myndunum má sjá útrunnar vörur til sölu í búðinni, óhreina innanstokksmuni og tómar hillur. Kvartað ítrekað Linda segir í samtali við Vísi að ástandið hafi lítið sem ekkert skánað frá því að fyrstu myndirnar voru teknar. Það sé einkum slæmt sökum þess að næsta matvöruverslun sé á Vík í Mýrdal, tugi kílómetra í burtu, að undanskildum Skaftárskála, bensínstöð á Kirkjubæjarklaustri. Hún kveðst síðast hafa lagt leið sína í Kjarval í gær, þar sem ekki hafi verið álitlegt um að litast. „Það er aldrei þurrkað af og vörurnar eru alltaf útrunnar. Grænmetið og ávextirnir eru sérstaklega slæmir, í skítugum grænmetiskæli.“ Linda kveðst hafa kvartað fyrst undan ástandinu við Festi, eignarhaldsfélagið sem á Krónuna og Kjarval, árið 2018. Hún hafi svo aftur fengið nóg í apríl 2019 og sent þá póst á Heilbrigðiseftirlitið en afar lítið virðist hafa verið gert. Kristinn Skúlason, rekstrarstjóri Krónunnar.Krónan Teymi á leiðinni að þrífa Fleiri lýsa yfir vanþóknun á aðbúnaði og vöruúrvali búðarinnar í athugasemdum við færslu Láru. Þá kveðst hún vita til þess að fleiri íbúar á svæðinu hafi kvartað til Heilbrigðiseftirlitsins vegna málsins. Kristinn Skúlason rekstrarstjóri Krónunnar svarar Lindu í athugasemd sem hann ritar við færslu hennar í dag. Þar þakkar hann henni fyrir ábendinguna um hið „alvarlega mál í verslun okkar á Kirkjubæjarklaustri“ og segir ástandið algjörlega óásættanlegt. Þá segir hann fyrirtækið munu taka á málum verslunarinnar. „Við höfum þegar sent af stað teymi til að þrífa verslunina eins og við höfum áður gert en það virðist ekki hafa skilað tilætluðum árangri. Ég ítrekað að við tökum þessu mjög alvarlega og við verðum að skoða stjórnunina á versluninni í ljósi þess að ástandið hefur ekki batnað eftir ábendingar og viðbrögð okkar hingað til.“ Kristinn ítrekar í svari sínu til Vísi að hann taki þetta mál mjög alvarlega. „Það höfðu borist ábendingar áður og myndirnar eru eins og þú segir flestar frá því í fyrravor. Við brugðumst við þá með því að þrífa og koma öllu í lag,“ segir Kristinn. „Það er áhyggjuefni að því hafi ekki verið fylgt eftir og að sama ástand sé að koma upp. Við höfum þegar brugðist við þessum ábendingum í dag með því að senda fólk á staðinn til að taka stöðuna út, þrífa og tryggja að verslunin standi undir þeim kröfum sem við gerum til okkar verslana. Í framhaldinu verða ferlar skoðaðir til að tryggja að þetta komi ekki fyrir aftur.“ Fréttin varð uppfærð klukkan 16:22 með viðbrögðum Kristins. Linda lýsir því að alltof sjaldan sé þurrkað af í versluninni.Aðsend Linda segir ástandið hafa verið slæmt í langan tíma.Aðsend Neytendur Skaftárhreppur Verslun Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent Samkaup eignast 38 prósenta hlut í Kjötkompaní Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Kaupfélagið á bak við risaviðskipti í Iceland Seafood Viðskipti innlent „Það verður andskoti flókið“ Viðskipti innlent Múlakaffi nýtir farþegamiðstöðina yfir veturinn Viðskipti innlent „Við munum gæta réttar kröfuhafa í hvívetna“ Viðskipti innlent Hætti korteri eftir peppfund með Möltufólkinu Viðskipti innlent Stefna á að hefja starfsemi á Möltu innan tíu vikna Viðskipti innlent Fleiri fréttir Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Sjá meira
Íbúi í Skaftárhreppi lýsir ástandinu í verslun Kjarvals á Kirkjubæjarklaustri, einu matvöruverslun bæjarins, sem óboðlegu; vörur séu útrunnar og innanstokksmunir skítugir. Staðan hafi verið afar slæm í langan tíma. Fleiri viðskiptavinir búðarinnar taka undir lýsingar hennar í Facebook-færslu um málið. Rekstrarstjóri Krónunnar, sem rekur Kjarval, segir að þegar verði tekið á málinu. Næsta búð í 70 kílómetra fjarlægð Linda Ösp Gunnarsdóttir, ábúandi á Syðri-Steinsmýri í nágrenni Kirkjubæjarklausturs, vakti athygli á stöðunni í færslu á Facebook í gær. Þar lýsti hún viðvarandi slæmu ástandi í verslun Kjarvals í bænum. Þar væri myglulykt, matarleifar á veggjum, gólfum og hillum og reykingarlykt úr mjólkurkæli. „Ég sem íbúi Skaftárhrepps er búin að fá mig fullsadda af Kjarvalsversluninni á Kirkjubæjarklaustri. Þetta er eina matvörubúðin á svæðinu fyrir allan hreppinn. Næsta búð er í um 70km fjarlægð! Ástandið er algjörlega óásættanlegt, við höfum ekkert val. Margir íbúar eru búnir að fá sig fullsadda af því ástandi sem ríkir í versluninni,“ skrifar Linda. Með færslunni birtir hún myndir innan úr versluninni sem teknar eru á tímabilinu júlí 2018 til dagsins í dag en flestar þó vorið 2019. Á myndunum má sjá útrunnar vörur til sölu í búðinni, óhreina innanstokksmuni og tómar hillur. Kvartað ítrekað Linda segir í samtali við Vísi að ástandið hafi lítið sem ekkert skánað frá því að fyrstu myndirnar voru teknar. Það sé einkum slæmt sökum þess að næsta matvöruverslun sé á Vík í Mýrdal, tugi kílómetra í burtu, að undanskildum Skaftárskála, bensínstöð á Kirkjubæjarklaustri. Hún kveðst síðast hafa lagt leið sína í Kjarval í gær, þar sem ekki hafi verið álitlegt um að litast. „Það er aldrei þurrkað af og vörurnar eru alltaf útrunnar. Grænmetið og ávextirnir eru sérstaklega slæmir, í skítugum grænmetiskæli.“ Linda kveðst hafa kvartað fyrst undan ástandinu við Festi, eignarhaldsfélagið sem á Krónuna og Kjarval, árið 2018. Hún hafi svo aftur fengið nóg í apríl 2019 og sent þá póst á Heilbrigðiseftirlitið en afar lítið virðist hafa verið gert. Kristinn Skúlason, rekstrarstjóri Krónunnar.Krónan Teymi á leiðinni að þrífa Fleiri lýsa yfir vanþóknun á aðbúnaði og vöruúrvali búðarinnar í athugasemdum við færslu Láru. Þá kveðst hún vita til þess að fleiri íbúar á svæðinu hafi kvartað til Heilbrigðiseftirlitsins vegna málsins. Kristinn Skúlason rekstrarstjóri Krónunnar svarar Lindu í athugasemd sem hann ritar við færslu hennar í dag. Þar þakkar hann henni fyrir ábendinguna um hið „alvarlega mál í verslun okkar á Kirkjubæjarklaustri“ og segir ástandið algjörlega óásættanlegt. Þá segir hann fyrirtækið munu taka á málum verslunarinnar. „Við höfum þegar sent af stað teymi til að þrífa verslunina eins og við höfum áður gert en það virðist ekki hafa skilað tilætluðum árangri. Ég ítrekað að við tökum þessu mjög alvarlega og við verðum að skoða stjórnunina á versluninni í ljósi þess að ástandið hefur ekki batnað eftir ábendingar og viðbrögð okkar hingað til.“ Kristinn ítrekar í svari sínu til Vísi að hann taki þetta mál mjög alvarlega. „Það höfðu borist ábendingar áður og myndirnar eru eins og þú segir flestar frá því í fyrravor. Við brugðumst við þá með því að þrífa og koma öllu í lag,“ segir Kristinn. „Það er áhyggjuefni að því hafi ekki verið fylgt eftir og að sama ástand sé að koma upp. Við höfum þegar brugðist við þessum ábendingum í dag með því að senda fólk á staðinn til að taka stöðuna út, þrífa og tryggja að verslunin standi undir þeim kröfum sem við gerum til okkar verslana. Í framhaldinu verða ferlar skoðaðir til að tryggja að þetta komi ekki fyrir aftur.“ Fréttin varð uppfærð klukkan 16:22 með viðbrögðum Kristins. Linda lýsir því að alltof sjaldan sé þurrkað af í versluninni.Aðsend Linda segir ástandið hafa verið slæmt í langan tíma.Aðsend
Neytendur Skaftárhreppur Verslun Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent Samkaup eignast 38 prósenta hlut í Kjötkompaní Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Kaupfélagið á bak við risaviðskipti í Iceland Seafood Viðskipti innlent „Það verður andskoti flókið“ Viðskipti innlent Múlakaffi nýtir farþegamiðstöðina yfir veturinn Viðskipti innlent „Við munum gæta réttar kröfuhafa í hvívetna“ Viðskipti innlent Hætti korteri eftir peppfund með Möltufólkinu Viðskipti innlent Stefna á að hefja starfsemi á Möltu innan tíu vikna Viðskipti innlent Fleiri fréttir Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Sjá meira