Benidorm engin fyrirstaða fyrir Aron og félaga í bikarúrslitum

Aron Pálmarsson og félagar í Barcelona tryggðu sér bikarmeistaratitil í dag þegar liðið vann fimmtán marka sigur á Benidorm í bikarúrslitum. Lokatölur urðu 40-25 en Börsungar lögðu Ademar Leon í undanúrslitunum í gær með ellefu mörkum, 34-23.

Aron gerði tvö mörk í bikarúrslitaleiknum í dag en Ludovic Fabregas var markahæstur Börsunga með átta mörk.

Þetta er sjöunda árið í röð sem Barcelona vinnur bikarkeppnina en þetta var þriðji bikarmeistaratitill Arons með spænska stórveldinu.