Tískuverslanir í eigu Kaupþings stefna í gjaldþrot

Vésteinn Örn Pétursson skrifar 14. apríl 2020 21:11

Kaupþing reyndi fyrir nokkrum árum að koma verslunarkeðjunum í verð. Vísir/Stefán

Gert er ráð fyrir að tískuverslunarkeðjurnar Oasis og Warehouse, sem eru í eigu Kaupþings ehf. óski eftir skipun skiptastjóra á næstunni. Um 2300 störf tapast, fari verslanirnar í þrot.

Þetta kemur fram á vef breska ríkisútvarpsins. Þar segir jafnframt að næsta víst sé að verslunarkeðjurnar muni fá Deloitte til þess að fara með gjaldþrotaskiptin.

Kaupþing ehf. er eigandi bæði Oasis og Warehouse. Kaupþing vildi árið 2016 selja verslanirnar og fékk árið 2017 tilboð í þær frá Ajay Khaitan, sem þá var eftirlýstur af Interpol fyrir meint skattsvik í Indlandi árið 1988. Kaupþing hætti þó við að selja honum keðjurnar.

Samkvæmt frétt BBC er einhver áhugi fjárfesta á keðjunum fyrir hendi. Ekki liggur þó fyrir hversu mörgum störfum yrði að endingu hægt að bjarga, sökum þeirrar efnahagslegu óvissu sem kórónuveirufaraldurinn hefur valdið.

Níutíu verslanir í Bretlandi á vegum keðjanna tveggja hafa verið lokaðar eftir að bresk stjórnvöld gripu til aðgerða til þess að halda útbreiðslu Covid-19 í skefjum.

Bretland Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.