Tveggja ára fangelsi fyrir að nauðga ungum næturgesti bróður síns Kolbeinn Tumi Daðason skrifar 2. júlí 2019 14:08 Dómur var kveðinn upp í Héraðsdómi Norðurlands Eystra á Akureyri. Vísir/Vilhelm Karlmaður um fertugt hefur verið dæmdur í tveggja ára fangelsi fyrir að nauðga átján ára konu í september 2017. Unga konan hafði farið heim með bróður karlmannsins og lá við hlið hans í rúmi þegar karlmaðurinn braut á henni. DNA sýni úr nærbuxum ákærða var lykilgagn í málinu. Dómur var kveðinn upp í Héraðsdómi Norðurlands eystra á Akureyri á dögunum. Það var laugardagskvöld í september 2017 sem bræðurnir fóru út að skemmta sér. Var mikið áfengi haft við hönd og var eftirpartý á heimili bróðursins. Þar stunduðu bróðirinn og konan kynlíf og sofnuðu í svefnherberginu. Í framhaldinu kom hinn bróðirinn inn því hann taldi sig eiga að sofa þar.Fraus og gat ekki brugðist við Unga konan bar að hún hefði sofnað nakin í rúminu og svo vaknað við að maður væri að strjúka á henni kynfærin og sleikja. Taldi hún það fyrst vera bróðurinn en henni hafi brugðið þegar hún sá hann liggjandi við hliðina á sér. Fljótlega fattaði hún að um væri að ræða bróður mannsins sem hún hafði farið heim með. Hún sagðist fyrir dómi hafa frosið og ekki geta brugðist við. Karlmaðurinn hefði reynt að setja lim sinn í leggöng hennar en var ekki viss hvort það hefði tekist. Í það minnsta ekki þannig að þau hefðu getað stundað samfarir. Hún reyndi að vekja bróðurinn sem hún hafði farið heim með, hann rumskaði og sagði bróður sínum að fara fram til að segja fólki að fara úr samkvæminu. Hann hafi farið og konan ekki séð hann aftur. Konan sagðist í framhaldinu hafa klætt sig og reynt að segja bróðurnum hvað hefði gerst. Hún taldi hann ekki hafa meðtekið það sem hún sagði.Strax á neyðarmóttöku Konan fór strax úr húsi, hringdi í vinnuveitanda sinn og einnig vinkonu. Leitaði hún í framhaldinu til lögreglu og gekkst undir rannsókn á neyðarmóttöku á Akureyri. Var karlmaðurinn í framhaldinu handtekinn og látinn sæta réttarlæknisfræðilegri rannsókn. Tekið var stroksýni undan forhúð og úr innanverðum nærbuxum. Var allt sent í DNA greiningu. Niðurstaðan var sú að í sýnum innan af framhlið nærbuxna fannst DNA snið karlmannsins og stelpunnar svo ekki var um villst. Niðurstaðan var ekki jafn afdráttarlaus úr sýni undan forhúð. Líkurnar voru þó meiri en minni að þar væri sýni úr konunni. Karlmaðurinn neitaði sök og sagðist hafa yfirgefið herbergið þegar hann fattaði að stelpan væri í rúminu með bróður hans. Þá gerði hann athugasemd við að hann hefði verið drukkinn við fyrstu yfirheyrslu og enginn verjandi viðstaddur. Ekki hefði verið rætt við vitni í samkvæminu og niðurstaða úr DNA prófum væri ekki nægjanlega afgerandi. Niðurstöður gætu skýrst af því að hann hefði snert stúlkuna og svo lim sinn þegar hann fór á klósettið.Alvarlegt kynferðisbrot Dómurinn mat það svo að á grundvelli sönnunargagna hefði ákæruvaldinu tekist að sanna að karlmaðurinn hafi sett lim sinn inn í leggöng brotaþola. Ljóst þætti að hún hefði ekki getað veitt samþykki sitt enda verið sofandi þegar hann hóf að brjóta á henni. Hann hefði gerst sekur um alvarlegt kynferðisbrot gagnvart ungri konu sem hann hafði engin kynni haft af áður og lá sofandi og nakin í rúmi bróður hans. Var hæfileg refsing metin tveggja ára fangelsi en honum hefur ekki verið refsað áður. Hins vegar var litið til þess að brotið væri alvarlegt og beindist gegn mikilvægum hagsmunum. Sálfræðingur staðfesti fyrir dómi að stelpan sýndi skýr einkenni áfallastreituröskunar vegna umrædds atburðar. Hún hefði auk þess áður orðið fyrir alvarlegum áföllum. Þá var karlmaðurinn dæmdur til að greiða stelpunni 1,5 milljónir króna í bætur auk sakarkostnaðar upp á um 2,5 milljónir. Dóminn í heild má lesa hér. Akureyri Dómsmál Kynferðisofbeldi Mest lesið Bátar brenna í Bolungarvík Innlent Erlendur ferðamaður lést við Hrafntinnusker Innlent Meðvitundarlaus maður sóttur í Silfru Innlent Leigubíll án verðmerkingar og veitingastaðir í óleyfi Innlent „Fór algjörlega fram úr björtustu vonum“ Innlent Stal 73 rauðvínsflöskum og rúllaði burt á þríhjóli Erlent Segir Guðlaug fara með rangt mál: „Hvimleið þessi valkvæða hlustun stjórnarandstöðunnar“ Innlent Tjald vonarinnar brann til kaldra kola Innlent Merkúr Máni sótti brons í Ólympíukeppninni í líffræði Innlent Díselþjófar staðnir að verki: „Þetta er búið að kosta okkur milljónir“ Innlent Fleiri fréttir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Segir áhyggjuefni að ESB hafi platað Íslendinga í tíu ár „Ökum slóðann” – Átaksverkefni gegn utanvegaakstri Erlendur ferðamaður lést við Hrafntinnusker Meðvitundarlaus maður sóttur í Silfru Segir Guðlaug fara með rangt mál: „Hvimleið þessi valkvæða hlustun stjórnarandstöðunnar“ Bátar brenna í Bolungarvík Utanríkisráðherra segir stjórnarandstöðuna fara rangt með mál „Fór algjörlega fram úr björtustu vonum“ Tekist á um Evrópumálin Merkúr Máni sótti brons í Ólympíukeppninni í líffræði Leigubíll án verðmerkingar og veitingastaðir í óleyfi Virknin minnkað þó áfram gjósi Tjald vonarinnar brann til kaldra kola Skötumessur Ásmundar Friðrikssonar gefa vel af sér „Þá er samkeppnishæfnin farin, það segir sig bara sjálft“ Líkamsárás í farþegaskipi „Kaldar kveðjur frá ESB“ og tilfinningaþrungin stund á Druslugöngu Hvalfjarðargöng opin á ný „Það er verið að taka aðeins of mikið“ Díselþjófar staðnir að verki: „Þetta er búið að kosta okkur milljónir“ „Ég held að það sé nú best að anda rólega“ Áhugi ungra stráka á Druslugöngunni kom skemmtilega á óvart Mögulegir Evróputollar á íslenskar vörur, lundastofn í rénun og Druslugangan Komst ekki heim frá Íran fyrr en mánuði eftir árásirnar Segir eðlilegast að strandveiðiheimildir verði fyrir utan alla potta Reyndist fjölmennt matarboð „þar sem gleðin var við völd“ Skógasafn vill Gunnfaxa en beðið svara eigenda Áfram gýs úr einum gíg Sjá meira
Karlmaður um fertugt hefur verið dæmdur í tveggja ára fangelsi fyrir að nauðga átján ára konu í september 2017. Unga konan hafði farið heim með bróður karlmannsins og lá við hlið hans í rúmi þegar karlmaðurinn braut á henni. DNA sýni úr nærbuxum ákærða var lykilgagn í málinu. Dómur var kveðinn upp í Héraðsdómi Norðurlands eystra á Akureyri á dögunum. Það var laugardagskvöld í september 2017 sem bræðurnir fóru út að skemmta sér. Var mikið áfengi haft við hönd og var eftirpartý á heimili bróðursins. Þar stunduðu bróðirinn og konan kynlíf og sofnuðu í svefnherberginu. Í framhaldinu kom hinn bróðirinn inn því hann taldi sig eiga að sofa þar.Fraus og gat ekki brugðist við Unga konan bar að hún hefði sofnað nakin í rúminu og svo vaknað við að maður væri að strjúka á henni kynfærin og sleikja. Taldi hún það fyrst vera bróðurinn en henni hafi brugðið þegar hún sá hann liggjandi við hliðina á sér. Fljótlega fattaði hún að um væri að ræða bróður mannsins sem hún hafði farið heim með. Hún sagðist fyrir dómi hafa frosið og ekki geta brugðist við. Karlmaðurinn hefði reynt að setja lim sinn í leggöng hennar en var ekki viss hvort það hefði tekist. Í það minnsta ekki þannig að þau hefðu getað stundað samfarir. Hún reyndi að vekja bróðurinn sem hún hafði farið heim með, hann rumskaði og sagði bróður sínum að fara fram til að segja fólki að fara úr samkvæminu. Hann hafi farið og konan ekki séð hann aftur. Konan sagðist í framhaldinu hafa klætt sig og reynt að segja bróðurnum hvað hefði gerst. Hún taldi hann ekki hafa meðtekið það sem hún sagði.Strax á neyðarmóttöku Konan fór strax úr húsi, hringdi í vinnuveitanda sinn og einnig vinkonu. Leitaði hún í framhaldinu til lögreglu og gekkst undir rannsókn á neyðarmóttöku á Akureyri. Var karlmaðurinn í framhaldinu handtekinn og látinn sæta réttarlæknisfræðilegri rannsókn. Tekið var stroksýni undan forhúð og úr innanverðum nærbuxum. Var allt sent í DNA greiningu. Niðurstaðan var sú að í sýnum innan af framhlið nærbuxna fannst DNA snið karlmannsins og stelpunnar svo ekki var um villst. Niðurstaðan var ekki jafn afdráttarlaus úr sýni undan forhúð. Líkurnar voru þó meiri en minni að þar væri sýni úr konunni. Karlmaðurinn neitaði sök og sagðist hafa yfirgefið herbergið þegar hann fattaði að stelpan væri í rúminu með bróður hans. Þá gerði hann athugasemd við að hann hefði verið drukkinn við fyrstu yfirheyrslu og enginn verjandi viðstaddur. Ekki hefði verið rætt við vitni í samkvæminu og niðurstaða úr DNA prófum væri ekki nægjanlega afgerandi. Niðurstöður gætu skýrst af því að hann hefði snert stúlkuna og svo lim sinn þegar hann fór á klósettið.Alvarlegt kynferðisbrot Dómurinn mat það svo að á grundvelli sönnunargagna hefði ákæruvaldinu tekist að sanna að karlmaðurinn hafi sett lim sinn inn í leggöng brotaþola. Ljóst þætti að hún hefði ekki getað veitt samþykki sitt enda verið sofandi þegar hann hóf að brjóta á henni. Hann hefði gerst sekur um alvarlegt kynferðisbrot gagnvart ungri konu sem hann hafði engin kynni haft af áður og lá sofandi og nakin í rúmi bróður hans. Var hæfileg refsing metin tveggja ára fangelsi en honum hefur ekki verið refsað áður. Hins vegar var litið til þess að brotið væri alvarlegt og beindist gegn mikilvægum hagsmunum. Sálfræðingur staðfesti fyrir dómi að stelpan sýndi skýr einkenni áfallastreituröskunar vegna umrædds atburðar. Hún hefði auk þess áður orðið fyrir alvarlegum áföllum. Þá var karlmaðurinn dæmdur til að greiða stelpunni 1,5 milljónir króna í bætur auk sakarkostnaðar upp á um 2,5 milljónir. Dóminn í heild má lesa hér.
Akureyri Dómsmál Kynferðisofbeldi Mest lesið Bátar brenna í Bolungarvík Innlent Erlendur ferðamaður lést við Hrafntinnusker Innlent Meðvitundarlaus maður sóttur í Silfru Innlent Leigubíll án verðmerkingar og veitingastaðir í óleyfi Innlent „Fór algjörlega fram úr björtustu vonum“ Innlent Stal 73 rauðvínsflöskum og rúllaði burt á þríhjóli Erlent Segir Guðlaug fara með rangt mál: „Hvimleið þessi valkvæða hlustun stjórnarandstöðunnar“ Innlent Tjald vonarinnar brann til kaldra kola Innlent Merkúr Máni sótti brons í Ólympíukeppninni í líffræði Innlent Díselþjófar staðnir að verki: „Þetta er búið að kosta okkur milljónir“ Innlent Fleiri fréttir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Segir áhyggjuefni að ESB hafi platað Íslendinga í tíu ár „Ökum slóðann” – Átaksverkefni gegn utanvegaakstri Erlendur ferðamaður lést við Hrafntinnusker Meðvitundarlaus maður sóttur í Silfru Segir Guðlaug fara með rangt mál: „Hvimleið þessi valkvæða hlustun stjórnarandstöðunnar“ Bátar brenna í Bolungarvík Utanríkisráðherra segir stjórnarandstöðuna fara rangt með mál „Fór algjörlega fram úr björtustu vonum“ Tekist á um Evrópumálin Merkúr Máni sótti brons í Ólympíukeppninni í líffræði Leigubíll án verðmerkingar og veitingastaðir í óleyfi Virknin minnkað þó áfram gjósi Tjald vonarinnar brann til kaldra kola Skötumessur Ásmundar Friðrikssonar gefa vel af sér „Þá er samkeppnishæfnin farin, það segir sig bara sjálft“ Líkamsárás í farþegaskipi „Kaldar kveðjur frá ESB“ og tilfinningaþrungin stund á Druslugöngu Hvalfjarðargöng opin á ný „Það er verið að taka aðeins of mikið“ Díselþjófar staðnir að verki: „Þetta er búið að kosta okkur milljónir“ „Ég held að það sé nú best að anda rólega“ Áhugi ungra stráka á Druslugöngunni kom skemmtilega á óvart Mögulegir Evróputollar á íslenskar vörur, lundastofn í rénun og Druslugangan Komst ekki heim frá Íran fyrr en mánuði eftir árásirnar Segir eðlilegast að strandveiðiheimildir verði fyrir utan alla potta Reyndist fjölmennt matarboð „þar sem gleðin var við völd“ Skógasafn vill Gunnfaxa en beðið svara eigenda Áfram gýs úr einum gíg Sjá meira