Innlent

Maður handtekinn nakinn í Skeifunni

Lögreglan á höfuðborgarsvæðinu handtók ungan mann um fjögur í nótt en hann var nakinn í verslun Hagkaups í Skeifunni. Maðurinn var til vandræða og því hringdi öryggisvörður á eftir aðstoð lögreglu. Þegar hún kom á vettvang var maðurinn búinn að færa sig í verslun Office 1 þar rétt hjá.

Þegar lögreglan handtók manninn sagðist hann hafa tekið ofskynjunarsveppi og því fór sem fór. Maðurinn gistir fangageymslur lögreglunnar og verður skýrsla tekin af honum síðar í dag.

Annars var rólegt hjá lögreglunni í Reykjavík í nótt.



Mest lesið


Fleiri fréttir

Sjá meira


×

Mest lesið