Golf

Ólafía stefnir á að vinna mót og komast á LPGA áður en árið er á enda

Anton Ingi Leifsson skrifar
Ólafía Þórunn Kristinsdóttir hefur verið að gera það gott.
Ólafía Þórunn Kristinsdóttir hefur verið að gera það gott. vísir/getty

Atvinnukylfingurinn Ólafía Þórunn Kristinsdóttir langar að vinna eins og eitt mót og komast á LPGA-mótaröðina, sterkustu mótaröð heims fyrir kvenkylfinga áður en árið 2019 er á enda.

Það er ekkert spilað í golfinu þessar vikurnar en golfið er eins og flestar aðrar íþróttir á ís vegna kórónuveirunnar. Ólafía gaf sér því tíma og mætti í settið í Sportinu í dag og ræddi við þá Henry Birgir Gunnarsson og Kjartan Atla Kjartansson.

„Ég verð vonandi búin að brjóta ísinn og vinna mót. Auðvitað komast á LPGA og líða bara vel og vera á góðum stað,“ sagði Ólafía áður en horfði til baka fimm ár aftur í tímann og hvað hún hefur lært á þessum viðburðaríka tíma.

„Það er ótrúlega mikið af góðu fólki í kringum það og ef það er ekki gott þá er gott að það sýni þá hlið því þá geturðu hætt að eyða orkunni í það. Það er smá kúnst að læra hvernig maður á höndla öll þessi ferðalög, fjölmiðla og setja pressu á sjálfan sig. Ég er enn að læra allt þetta.“

Ólafía hefur verið að keppa á Evrópumótaröðinni en hún varð fyrsti íslenski kvenkylfingurinn til að keppa á LPGA. Hún náði þar bestum árangri á Evian-meistaramótinu er hún endaði í 48. sæti.

„Það hefði verið gott að vita fyrir fimm árum að vera trú sjálfum sér og trúa á sjálfan sig og vinna hörðum höndum. Þetta er allt klisjur en bara finna hvað virkar fyrir mig og vera þakklát fyrir allt það góða því það er auðvitað erfitt stundum en að muna eftir öllu því góða sem er að gerast. Stundum kemur svona skuggi yfir mann og maður sér bara það slæma en það er svo miklu, miklu meira gott sem er í gangi.“

Klippa: Sportið í dag - Ólafía Þórunn um framtíðina og fortíðina

Sportið í dag er á dagskrá á Stöð 2 Sport alla virka daga klukkan 15.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.