Dagskráin í dag: Knattspyrnustjörnur framtíðarinnar, NBA og margt fleira

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Stöð 2 Sport

Á Stöð 2 Sport verða knattspyrnustjörnur framtíðarinnar í fyrirrúmi en sýndir verða þættir í umsjón Guðjóns Guðmundssonar þar sem hann skoðar hin ýmsu yngri flokka mót hér á landi. Þar má nefna Rey Cup, Símamótið, Pæjumótið og mörg önnur. 

Allir fimm þættir af Sportið í dag verða svo endursýndir í dag fyrir þá sem misstu af þeim í vikunni. Þá verða einnig endursýndir leikir úr efstu deild karla sem og margt fleira á boðstólnum.

Stöð 2 Sport 2

Það er sannkallað NBA þema á Stöð 2 Sport 2 í dag en dagskráin hefst klukkan 08:55. Þá sýnum við þáttinn NBA Originals þar sem viðfangsefnið er Michael Jordan. Einnig verður farið yfir níunda áratug síðustu aldar ásamt mörgu öðru.

Stöð 2 Sport 3

Knattspyrnustjörnur framtíðarinnar verða á skjánum fram eftir degi áður en við sýnum báða undanúrslitaleiki Borgunarbikar karla frá árinu 2013 sem og úrslitaleikinn sjálfan milli Fram og Stjörnunnar. Einnig sýnum við úrslitaleiki Borgunarbikar kvenna frá árunum 2014 og 2015.

Stöð 2 eSport

Counter strike, Counter strike og aftur Counter strike. Það er verður nóg af CS í boði fyrir landsmenn þar sem við sýnum frá Reykjavíkurleikunum, Vodafone deildinni sem og Lenovo deildinni í dag.

Stöð 2 Golf

Helst ber að nefna hápunkta Opna breska frá 2015-2017 sem og hápunkta PGA frá 2019-2020. 

Allar útsendingar dagsins má finna á heimasíðu Stöðvar 2.