SA hvetur fyrirtæki til að sýna starfsfólki skilning vegna fjarveru Heimir Már Pétursson skrifar 11. febrúar 2020 12:03 Halldór Benjamín Þorbergsson framkvæmdastjóri Samtaka atvinnulífsins. Vísir/Vilhelm Verkfallsaðgerðir Eflingar sem staðið gætu í tæpa þrjá sólarhringa hefjast í hádeginu í dag og munu hafa áhrif á þúsundir fjölskyldna á höfuðborgarsvæðinu. Samtök atvinnulífsins hvetja fyrirtæki til að sýna starfsfólki sínu tillitsemi vegna fjarveru. Klukkan hálf eitt hófst vinnustöðvun hjá félagsmönnum Eflingar hjá Reykjavíkurborg sem gætu staðið til miðnættis á fimmtudag. Áætlað er að verkfallsaðgerðirnar hafi áhrif á rúmlega helming leikskólabarna eða um 3.500 börn og fjölskyldur þeirra. Verkfallið mun sömuleiðis hafa áhrif á 1.650 notendur velferðarþjónustu borgarinnar auk þess sem sorphirða mun frestast í þeim hverfum þar sem tæming á að fara fram samkvæmt sorphirðudagatali. Halldór Benjamín Þorbergsson framkvæmdastjóri Samtaka atvinnulífsins segir verkfallsaðgerðirnar fyrst og fremst hafa áhrif á fjölskyldur og stuðningsnet þeirra. Þess vegna hafi samtökin sent út tilmæli til fyrirtækja á svæðinu. „Við í raun biðjum stjórnendur fyrirtækja að sýna mismunandi aðstæðum fólks skilning. Það eru margir sem þurfa að hlaupa undir bagga. Fólk getur verið frá vinnu, að skjótast, sækja og skutla og allt þetta. Við reynum að nálgast þetta á sem sveigjanlegasta máta. En auðvitað er þetta mjög misjafnt eftir fyrirtækjum hvað hægt er að koma mikið til móts við þarfir fólks,“ segir Halldór Benjamín. Óvissa um hvort fjarvera skerði laun Samtök atvinnulífsins séu hins vegar ekki í aðstöðu til að senda út einhverjar reglur um að þessi fjarvera bitni ekki á launum fólks. Halldór Benjamín vill ekki tjá sig um yfirstandandi deilu Eflingar við borgina. Framkvæmd lífskjarasamningana hafi aftur á móti tekist einkar vel en SA hafi nú samið fyrir hönd 97 prósent sinna umbjóðenda. „Við sjáum það bara síðast í gær að Starfsgreinasambandið gekk frá kjarasamningi við Samband íslenskra sveitarfélaga á grunni lífskjarasamningsins. Niðurstöður þeirrar atkvæðagreiðslu voru að 81 prósent þeirra sem tóku þátt í henni samþykktu þann kjarasamning. Þannig að bæði ef við horfum til Samtaka atvinnulífsins og eins verkalýðsfélaganna hringinn í kringum landið get ég ekki annað séð en framkvæmd lífskjarasamningsins hafi gengið snurðulaust fyrir sig,“ segir framkvæmdastjóri SA. Atvinnuleysi heldur áfram að aukast Atvinnuleysi er þrátt fyrir þetta að aukast og í spá Seðlabankans sem kynnt var í síðustu viku er gert ráð fyrir að það haldi áfram að aukast á þessu ári. Halldór Benjamín bendir á að verðbólga sé lág og vextir séu að lækka. Hann hafi þó varað við því í um ár að aðlögun að niðursveiflu í efnahagslífinu yrði mætt með öðrum hætti nú en á fyrri árum. „Þá fyrst og fremst í gegnum atvinnuleysi enda eru fyrirtæki landsins því miður að hagræða um þessar mundir og það sér ekki fyrir endann á því. Það jákvæða í stöðunni er að lífskjarasamningurinn var samsett lausn margra þátta. Og við sjáum að á sama tíma og það er að hægja verulega á í hagkerfinu hafa stýrivextir Seðlabankans lækkað um 1,75 prósentur og vextir á Íslandi um þessar mundir eru þeir lægst sem þeir hafa verið alla lýðveldissöguna,“ segir Halldór Benjamín. Því miður séu líkur á að atvinnuleysið aukist því líklega haldi fyrirtækin áfram að hagræða á næstu mánuðum. Tækifærin séu hins vegar mörg í íslensku atvinnulífi. „Og í góðu samstarfi við stéttarfélögin við framkvæmd lífskjarasamningsins erum við að styrkja rekstrargrundvöll fyrirtækja til lengri tíma. Ná fram nauðsynlegum breytingum á vinnumarkaði þannig að hann sé í takt við nýja tíma,“ segir Halldór Benjamín Þorbergsson. Reykjavík Verkföll 2020 Vinnumarkaður Mest lesið Ákærður fyrir að nauðga barni frá því að það var tveggja ára Innlent Líkur á hellidembu, þrumum og eldingum suðvestantil Veður „Hér er ekki ódýr orka í neinum alþjóðlegum samanburði“ Innlent Falin myndavél á þingklósettinu og ósæmilegar myndir af börnum Erlent „Honum var kastað til hliðar eins og hverju öðru drasli“ Innlent Árásarmaðurinn heltekinn af „hugmyndinni um að drepa börn“ Erlent Alþjóðlegir nemendur áhyggjufullir vegna tafa á afgreiðslu dvalarleyfa Innlent Heitavatnslaust í öllum Grafarvogi Innlent „Kennarar eiga ekki að vera í einhverjum lögguhlutverki“ Innlent Bílbruni í Hafnarfirði og á Lynghálsi Innlent Fleiri fréttir Sundhöllin opnuð á mánudag en lengra í heitu pottana Lögðu hald á snák eftir alvarlega líkamsárás „Honum var kastað til hliðar eins og hverju öðru drasli“ Alþjóðlegir nemendur áhyggjufullir vegna tafa á afgreiðslu dvalarleyfa Bílbruni í Hafnarfirði og á Lynghálsi Heitavatnslaust í öllum Grafarvogi Ákærður fyrir að nauðga barni frá því að það var tveggja ára Til vandræða á bar og vopnaður hnífi „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Sjá meira
Verkfallsaðgerðir Eflingar sem staðið gætu í tæpa þrjá sólarhringa hefjast í hádeginu í dag og munu hafa áhrif á þúsundir fjölskyldna á höfuðborgarsvæðinu. Samtök atvinnulífsins hvetja fyrirtæki til að sýna starfsfólki sínu tillitsemi vegna fjarveru. Klukkan hálf eitt hófst vinnustöðvun hjá félagsmönnum Eflingar hjá Reykjavíkurborg sem gætu staðið til miðnættis á fimmtudag. Áætlað er að verkfallsaðgerðirnar hafi áhrif á rúmlega helming leikskólabarna eða um 3.500 börn og fjölskyldur þeirra. Verkfallið mun sömuleiðis hafa áhrif á 1.650 notendur velferðarþjónustu borgarinnar auk þess sem sorphirða mun frestast í þeim hverfum þar sem tæming á að fara fram samkvæmt sorphirðudagatali. Halldór Benjamín Þorbergsson framkvæmdastjóri Samtaka atvinnulífsins segir verkfallsaðgerðirnar fyrst og fremst hafa áhrif á fjölskyldur og stuðningsnet þeirra. Þess vegna hafi samtökin sent út tilmæli til fyrirtækja á svæðinu. „Við í raun biðjum stjórnendur fyrirtækja að sýna mismunandi aðstæðum fólks skilning. Það eru margir sem þurfa að hlaupa undir bagga. Fólk getur verið frá vinnu, að skjótast, sækja og skutla og allt þetta. Við reynum að nálgast þetta á sem sveigjanlegasta máta. En auðvitað er þetta mjög misjafnt eftir fyrirtækjum hvað hægt er að koma mikið til móts við þarfir fólks,“ segir Halldór Benjamín. Óvissa um hvort fjarvera skerði laun Samtök atvinnulífsins séu hins vegar ekki í aðstöðu til að senda út einhverjar reglur um að þessi fjarvera bitni ekki á launum fólks. Halldór Benjamín vill ekki tjá sig um yfirstandandi deilu Eflingar við borgina. Framkvæmd lífskjarasamningana hafi aftur á móti tekist einkar vel en SA hafi nú samið fyrir hönd 97 prósent sinna umbjóðenda. „Við sjáum það bara síðast í gær að Starfsgreinasambandið gekk frá kjarasamningi við Samband íslenskra sveitarfélaga á grunni lífskjarasamningsins. Niðurstöður þeirrar atkvæðagreiðslu voru að 81 prósent þeirra sem tóku þátt í henni samþykktu þann kjarasamning. Þannig að bæði ef við horfum til Samtaka atvinnulífsins og eins verkalýðsfélaganna hringinn í kringum landið get ég ekki annað séð en framkvæmd lífskjarasamningsins hafi gengið snurðulaust fyrir sig,“ segir framkvæmdastjóri SA. Atvinnuleysi heldur áfram að aukast Atvinnuleysi er þrátt fyrir þetta að aukast og í spá Seðlabankans sem kynnt var í síðustu viku er gert ráð fyrir að það haldi áfram að aukast á þessu ári. Halldór Benjamín bendir á að verðbólga sé lág og vextir séu að lækka. Hann hafi þó varað við því í um ár að aðlögun að niðursveiflu í efnahagslífinu yrði mætt með öðrum hætti nú en á fyrri árum. „Þá fyrst og fremst í gegnum atvinnuleysi enda eru fyrirtæki landsins því miður að hagræða um þessar mundir og það sér ekki fyrir endann á því. Það jákvæða í stöðunni er að lífskjarasamningurinn var samsett lausn margra þátta. Og við sjáum að á sama tíma og það er að hægja verulega á í hagkerfinu hafa stýrivextir Seðlabankans lækkað um 1,75 prósentur og vextir á Íslandi um þessar mundir eru þeir lægst sem þeir hafa verið alla lýðveldissöguna,“ segir Halldór Benjamín. Því miður séu líkur á að atvinnuleysið aukist því líklega haldi fyrirtækin áfram að hagræða á næstu mánuðum. Tækifærin séu hins vegar mörg í íslensku atvinnulífi. „Og í góðu samstarfi við stéttarfélögin við framkvæmd lífskjarasamningsins erum við að styrkja rekstrargrundvöll fyrirtækja til lengri tíma. Ná fram nauðsynlegum breytingum á vinnumarkaði þannig að hann sé í takt við nýja tíma,“ segir Halldór Benjamín Þorbergsson.
Reykjavík Verkföll 2020 Vinnumarkaður Mest lesið Ákærður fyrir að nauðga barni frá því að það var tveggja ára Innlent Líkur á hellidembu, þrumum og eldingum suðvestantil Veður „Hér er ekki ódýr orka í neinum alþjóðlegum samanburði“ Innlent Falin myndavél á þingklósettinu og ósæmilegar myndir af börnum Erlent „Honum var kastað til hliðar eins og hverju öðru drasli“ Innlent Árásarmaðurinn heltekinn af „hugmyndinni um að drepa börn“ Erlent Alþjóðlegir nemendur áhyggjufullir vegna tafa á afgreiðslu dvalarleyfa Innlent Heitavatnslaust í öllum Grafarvogi Innlent „Kennarar eiga ekki að vera í einhverjum lögguhlutverki“ Innlent Bílbruni í Hafnarfirði og á Lynghálsi Innlent Fleiri fréttir Sundhöllin opnuð á mánudag en lengra í heitu pottana Lögðu hald á snák eftir alvarlega líkamsárás „Honum var kastað til hliðar eins og hverju öðru drasli“ Alþjóðlegir nemendur áhyggjufullir vegna tafa á afgreiðslu dvalarleyfa Bílbruni í Hafnarfirði og á Lynghálsi Heitavatnslaust í öllum Grafarvogi Ákærður fyrir að nauðga barni frá því að það var tveggja ára Til vandræða á bar og vopnaður hnífi „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Sjá meira