Benitez: Eigum góða möguleika á titlinum

Rafa Benitez knattspyrnustjóri Liverpool segir sína menn eiga 80% líkur á að vinna deildina ef þeir verði á toppnum eftir jólatörnina.

"Okkur gengur vel á útivöllum núna," sagði Benites í samtali við Telegraph fyrir leikinn gegn Hull í dag.

"Við höfum tapað nokkrum stigum á heimavelli en ég held að við eigum 80% líkur á því að verða meistarar ef við verðum á toppnum eftir jólatörnina," sagði Benitez bjartsýnn.

"Við höfum óneitanlega góða möguleika á að vinna titilinn. Við erum í efsta sæti og nú er þetta undir okkur komið. Ef við höldum áfram að vinna, getur enginn tekið af okkur sætið," sagði Spánverjinn.

Á síðustu fjórum árum hefur liðið sem var á toppi deildarinnar áður en farið var inn í jólatörnina orðið meistari og því horfir vel fyrir lærisveina Benitez.

Liverpool getur náð fjögurra stiga forskoti á Chelsea með sigri á Hull í dag en Clelsea á ekki leik fyrr en á morgun.