Jóhannes Karl og Heiðar á skotskónum

Jóhannes Karl Guðjónsson skoraði tvö mörk fyrir lið sitt Burnley í dag þegar það vann góðan 3-2 sigur á Southampton í ensku B-deildinni.

Þá skoraði Heiðar Helguson sitt fyrsta mark fyrir QPR þegar liðið gerði 1-1 jafntefli við Plymouth á útivelli.

Ívar Ingimarsson var á sínum stað í liði Reading þegar liðið lagði Norwich 2-0. Brynjar Björn Gunnarsson kom inn sem varamaður og spilaði síðustu 15 mínúturnar.

Þá var Aron Gunnarsson í byrjunarliði Coventry sem tapaði 2-1 á útivelli fyrir Watford.