Guðmundur sló vallarmet og leiðir í Grafarholti

Guðmundur Ágúst Kristjánsson, GR, og Guðrún Brá Bjögvinsdóttir, GK, eru á toppnum eftir annan keppnishring á Securitasmótinu sem er hluti af Eimskipsmótaröðinni.

Guðmundur Ágúst gerði sér lítið fyrir og setti vallarmet en hann spilaði á 63 höggum. Hann lét á átta höggum undir pari og er því samtals á tólf höggum undir pari.

Hann er fimm höggum á undan Axel Bóassyni sem kláraði aðeins á undan Guðmundi í dag. Axel spilaði þá á 65 höggum og átti vallarmetið um stund, rétt áður en Guðmundur kláraði átjándu.

Í kvennaflokki er Guðrún Brá Björgvinsdóttir komin á toppinn. Hún var sjö höggum á eftir Helgu Kristínu Einarsdóttur en er nú höggi á undan Helgu fyrir síðustu tvo hringina.

Alla stöðuna í mótinu má sjá hér.