Burðarás of dýr

Greiningardeild Íslandsbanka telur að hlutabréf í Burðarási séu of hátt verðlögð um þessar mundir. Í nýju verðmati kemur fram að greiningardeildin telji félagið ríflega fjörutíu milljarða króna virði. Verð félagsins á markaði nú er rúmlega 55 milljarðar króna og gengi bréfanna er 12,5. Íslandsbanki telur gengið 9,6 endurspegla betur raunverulegt virði félagsins. Íslandsbanki mælir því með sölu á bréfum í Burðarási. Þrátt fyrir að Íslandsbanki telji verðmatið á Burðarási vera of hátt um þessar mundir býst hann við að bréfin hækki áfram í takt við markaðinn sökum mikilla væntinga um framtíðarmöguleika félagsins.