Benni fær fleiri Porsche Macan

Porsche Macan sem kynntur var í haust hefur fengið frábæra dóma bílablaðamanna, og talað er um fyrsta alvöru sportjeppann á markaðnum. Þrátt fyrir að Macan hafi aðeins verið sýnilegur á bílasýningum fram til þessa og fyrstu viðskiptavinirnir fái bílana afhenta nú í apríl og maí, er staðan sú að Porsche annar ekki eftirspurn.  

Sem dæmi er 8 mánaða bið eftir Macan í heimalandi hans, Þýskalandi. Bílabúð Benna, umboðsaðili Porsche á Íslandi, frumsýnir Macan á Sumardaginn fyrsta, 24. apríl, og þar á bæ hafa menn fundið fyrir miklum áhuga. “Það er nokkuð síðan að Macan seldist upp hjá okkur, en við vorum að fá það staðfest  að Bílabúð Benna hefur verið úthlutað fleiri bílar og ég hvet því áhugasama að kíkja við og kynna sér málið.

Einnig má nálgast upplýsingar um Macan, sem kostar frá 11.950 þús., á heimasíðunni benni.is, ” segir Thomas Már Gregers, sölustjóri Porsche á Íslandi.