Umfjöllun og viðtöl: Afturelding - Haukar 17-35 | Burst í stórleiknum Ingvi Þór Sæmundsson í Mosfellsbænum skrifar 13. nóvember 2016 17:45 Haukar rúlluðu yfir Aftureldingu, 17-35, þegar liðin mættust í 11. umferð Olís-deildar karla í dag. Ótrúlegar lokatölur í leik liðanna sem hafa mæst í lokaúrslitum undanfarin tvö ár. Þetta var fjórði sigur Hauka í röð. Liðið er nú bara fjórum stigum á eftir Aftureldingu sem er enn á toppnum þrátt fyrir tvo tapleiki í röð.Vilhelm Gunnarsson, ljósmyndari Vísis og Fréttablaðsins, var á leiknum á Varmá og tók þessar myndir hér fyrir ofan. Eins og tölurnar gefa til kynna voru yfirburðir Hauka gríðarlega miklir og leikurinn var aldrei spennandi. Heimamenn héldu í við gestina í upphafi leiks og þegar níu mínútur voru liðnar af leiknum minnkaði Elvar Ásgeirsson muninn í 5-6. Þá settu Haukar í túrbógírinn, lokuðu vörninni og fengu aðeins á sig fjögur mörk á síðustu 20 mínútum fyrri hálfleiks. Á meðan skoruðu þeir að vild gegn skelfilegri vörn Aftureldingar. Sterka leikmenn vantar í lið Aftureldingar og nú síðast datt skyttan öfluga, Birkir Benediktsson, út. Það var því viðbúið að sóknarleikur Mosfellinga yrði stirður. Þeir áttu samt að geta spilað betri vörn og lagt sig betur fram á þeim enda vallarins. Sú var ekki raunin. Þá var mikill munur á markvörslu liðanna. Það mæddi mikið á Elvari í sóknarleik Aftureldingar og hann átti afar erfitt uppdráttar; skotin fóru annað hvort í vörnina eða voru varin og tapaðir boltar voru full margir. Honum til vorkunnar fékk hann litla hjálp frá samherjum sínum. Haukar léku við hvern sinn fingur og voru tólf mörkum yfir í hálfleik, 9-21, og því var seinni hálfleikurinn lítt spennandi. Þar dró enn í sundur með liðunum og Haukar unnu að lokum 18 marka sigur, 17-35. Janus Daði Smárason og Guðmundur Árni Ólafsson voru markahæstir í liði Hauka með sex mörk hvor. Þá var Giedrius Morkunas magnaður í markinu og varði 20 skot (61%). Elvar og Árni Bragi Eyjólfsson skoruðu báðir fjögur mörk fyrir Aftureldingu.Einar Andri: Hefði viljað sjá okkur spila betur á öllum sviðum Einar Andri Einarsson, þjálfari Aftureldingar, var skiljanlega ósáttur við frammistöðu sinna manna í stórtapinu fyrir Haukum í dag. „Ég hefði viljað sjá okkur spila betur á öllum sviðum. Við vorum skrefinu á eftir í vörn og sókn og kláruðum engar stöður einn á einn,“ sagði Einar eftir leik. Mosfellingar voru ólíkir sjálfum sér í leiknum og Einar Andri viðurkennir að hann hafi viljað sjá mun betri frammistöðu frá sínum mönnum. „Að sjálfsögðu vantaði baráttu og vilja, og orku og kraft til að gera þetta á fullum krafti. Bæði lið spiluðu á fimmtudaginn en við virtumst hafa minni kraft í dag,“ sagði Einar Andri. En hvaða áhrif heldur hann að þetta ljóta tap hafi á liðið hans? „Ég vonast til að menn þjappi sér saman. Við eigum stórleik gegn Fram á fimmtudaginn og ég ætlast til að menn verði klárir í hann,“ sagði Einar Andri sem segir óvíst hvenær hann endurheimtir þá mörgu lykilmenn sem eiga við meiðsli að stríða.Guðmundur Árni: Þetta er maraþon, ekki spretthlaup Guðmundur Árni Ólafsson, leikmaður Hauka, skoraði sex mörk í dag. Hann var að vonum sáttur með úrslitin og frammistöðu Hauka í leiknum. „Því miður fengu áhorfendur ekki mikið fyrir peninginn. Þetta var einstefna frá byrjun til enda og við erum virkilega sáttir með þessi tvö stig,“ sagði Guðmundur. En hvað lagði grunninn að sigrinum að hans mati? „Við vorum mun agaðri en við höfum verið og við gáfum engin færi á okkur. Við erum orðnir betri í okkar spili á mörgum vígstöðvum.“ Haukar byrjuðu tímabilið afar illa en hafa verið á uppleið síðustu vikur og hafa nú unnið fjóra leiki í röð. „Við héldum í okkar „konsept“. Við héldum áfram að vinna og höfum lagt mikið á okkur. Það er að skila sér og mun skila sér áfram. Þetta er maraþon, ekki spretthlaup,“ sagði Guðmundur sem er með báða fætur á jörðinni. „Við ætlum ekkert að ofmetnast þótt við höfum unnið Aftureldingu með 18 mörkum. Það eru nokkrir meiddir hjá þeim á meðan við erum með alla heila. Við höldum bara áfram að vinna í okkar málum og stefnum að því að toppa í úrslitakeppninni.“Janus Daði Smárason var frábær í dag. Vísir/Vilhelm Olís-deild karla Mest lesið Aðstoðardómarinn bað Bæjara afsökunar: „Þetta er hörmung“ Fótbolti Færeyingar hársbreidd frá fyrsta heimsmeistaramótinu Handbolti Uppgjörið: Ísland - Eistland 50-25 | Stigu bensínið í botn frá fyrstu mínútu Handbolti „Þegar ég var sjö ára í Birmingham dreymdi mig um svona kvöld“ Fótbolti Þakklátur eftir fyrsta landsleikinn: „Tek bara einn dag fyrir í einu“ Handbolti „Ánægður að við sýndum þá hlið að við getum verið góðir í sextíu mínútur“ Handbolti „Ekkert sjálfgefið að valta yfir lið“ Handbolti Stuðningurinn ómetanlegur: „Farið í dýpstu leyndarmálin“ Sport „Á flestum sviðum körfuboltans voru þeir bara betri en við“ Körfubolti Uppgjörið og viðtöl: Grindavík - Keflavík 96-71 | Gulklæddir flengdu Keflvíkinga Körfubolti Fleiri fréttir Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Ísland eignast nýtt EHF dómarapar Bleyjur og klósettpappír áhorfenda kostuðu ÍBV Enn hægt að fá miða á HM-leikinn í kvöld Farangurinn flæktist fyrir Gísla: „Kom beint af flugvellinum“ Undanúrslit í Meistaradeildinni klár „Bara að fara heim og hitta mömmu“ Fjórir frá vegna meiðsla: „Dagurinn ekkert frábær á skrifstofunni“ „Höfum spilað vel án Arons áður“ „Veit ekki hvað Elmar þarf að gera til að komast í landsliðið“ Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Guðmundur og Íslendingalið Ribe-Esbjerg í undanúrslit Afturelding einum sigri frá úrslitum Magdeburg á toppinn eftir stórleik Íslendinganna Fyrsta tap lærisveina Guðjóns Vals síðan í byrjun mars Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Sjá meira
Haukar rúlluðu yfir Aftureldingu, 17-35, þegar liðin mættust í 11. umferð Olís-deildar karla í dag. Ótrúlegar lokatölur í leik liðanna sem hafa mæst í lokaúrslitum undanfarin tvö ár. Þetta var fjórði sigur Hauka í röð. Liðið er nú bara fjórum stigum á eftir Aftureldingu sem er enn á toppnum þrátt fyrir tvo tapleiki í röð.Vilhelm Gunnarsson, ljósmyndari Vísis og Fréttablaðsins, var á leiknum á Varmá og tók þessar myndir hér fyrir ofan. Eins og tölurnar gefa til kynna voru yfirburðir Hauka gríðarlega miklir og leikurinn var aldrei spennandi. Heimamenn héldu í við gestina í upphafi leiks og þegar níu mínútur voru liðnar af leiknum minnkaði Elvar Ásgeirsson muninn í 5-6. Þá settu Haukar í túrbógírinn, lokuðu vörninni og fengu aðeins á sig fjögur mörk á síðustu 20 mínútum fyrri hálfleiks. Á meðan skoruðu þeir að vild gegn skelfilegri vörn Aftureldingar. Sterka leikmenn vantar í lið Aftureldingar og nú síðast datt skyttan öfluga, Birkir Benediktsson, út. Það var því viðbúið að sóknarleikur Mosfellinga yrði stirður. Þeir áttu samt að geta spilað betri vörn og lagt sig betur fram á þeim enda vallarins. Sú var ekki raunin. Þá var mikill munur á markvörslu liðanna. Það mæddi mikið á Elvari í sóknarleik Aftureldingar og hann átti afar erfitt uppdráttar; skotin fóru annað hvort í vörnina eða voru varin og tapaðir boltar voru full margir. Honum til vorkunnar fékk hann litla hjálp frá samherjum sínum. Haukar léku við hvern sinn fingur og voru tólf mörkum yfir í hálfleik, 9-21, og því var seinni hálfleikurinn lítt spennandi. Þar dró enn í sundur með liðunum og Haukar unnu að lokum 18 marka sigur, 17-35. Janus Daði Smárason og Guðmundur Árni Ólafsson voru markahæstir í liði Hauka með sex mörk hvor. Þá var Giedrius Morkunas magnaður í markinu og varði 20 skot (61%). Elvar og Árni Bragi Eyjólfsson skoruðu báðir fjögur mörk fyrir Aftureldingu.Einar Andri: Hefði viljað sjá okkur spila betur á öllum sviðum Einar Andri Einarsson, þjálfari Aftureldingar, var skiljanlega ósáttur við frammistöðu sinna manna í stórtapinu fyrir Haukum í dag. „Ég hefði viljað sjá okkur spila betur á öllum sviðum. Við vorum skrefinu á eftir í vörn og sókn og kláruðum engar stöður einn á einn,“ sagði Einar eftir leik. Mosfellingar voru ólíkir sjálfum sér í leiknum og Einar Andri viðurkennir að hann hafi viljað sjá mun betri frammistöðu frá sínum mönnum. „Að sjálfsögðu vantaði baráttu og vilja, og orku og kraft til að gera þetta á fullum krafti. Bæði lið spiluðu á fimmtudaginn en við virtumst hafa minni kraft í dag,“ sagði Einar Andri. En hvaða áhrif heldur hann að þetta ljóta tap hafi á liðið hans? „Ég vonast til að menn þjappi sér saman. Við eigum stórleik gegn Fram á fimmtudaginn og ég ætlast til að menn verði klárir í hann,“ sagði Einar Andri sem segir óvíst hvenær hann endurheimtir þá mörgu lykilmenn sem eiga við meiðsli að stríða.Guðmundur Árni: Þetta er maraþon, ekki spretthlaup Guðmundur Árni Ólafsson, leikmaður Hauka, skoraði sex mörk í dag. Hann var að vonum sáttur með úrslitin og frammistöðu Hauka í leiknum. „Því miður fengu áhorfendur ekki mikið fyrir peninginn. Þetta var einstefna frá byrjun til enda og við erum virkilega sáttir með þessi tvö stig,“ sagði Guðmundur. En hvað lagði grunninn að sigrinum að hans mati? „Við vorum mun agaðri en við höfum verið og við gáfum engin færi á okkur. Við erum orðnir betri í okkar spili á mörgum vígstöðvum.“ Haukar byrjuðu tímabilið afar illa en hafa verið á uppleið síðustu vikur og hafa nú unnið fjóra leiki í röð. „Við héldum í okkar „konsept“. Við héldum áfram að vinna og höfum lagt mikið á okkur. Það er að skila sér og mun skila sér áfram. Þetta er maraþon, ekki spretthlaup,“ sagði Guðmundur sem er með báða fætur á jörðinni. „Við ætlum ekkert að ofmetnast þótt við höfum unnið Aftureldingu með 18 mörkum. Það eru nokkrir meiddir hjá þeim á meðan við erum með alla heila. Við höldum bara áfram að vinna í okkar málum og stefnum að því að toppa í úrslitakeppninni.“Janus Daði Smárason var frábær í dag. Vísir/Vilhelm
Olís-deild karla Mest lesið Aðstoðardómarinn bað Bæjara afsökunar: „Þetta er hörmung“ Fótbolti Færeyingar hársbreidd frá fyrsta heimsmeistaramótinu Handbolti Uppgjörið: Ísland - Eistland 50-25 | Stigu bensínið í botn frá fyrstu mínútu Handbolti „Þegar ég var sjö ára í Birmingham dreymdi mig um svona kvöld“ Fótbolti Þakklátur eftir fyrsta landsleikinn: „Tek bara einn dag fyrir í einu“ Handbolti „Ánægður að við sýndum þá hlið að við getum verið góðir í sextíu mínútur“ Handbolti „Ekkert sjálfgefið að valta yfir lið“ Handbolti Stuðningurinn ómetanlegur: „Farið í dýpstu leyndarmálin“ Sport „Á flestum sviðum körfuboltans voru þeir bara betri en við“ Körfubolti Uppgjörið og viðtöl: Grindavík - Keflavík 96-71 | Gulklæddir flengdu Keflvíkinga Körfubolti Fleiri fréttir Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Ísland eignast nýtt EHF dómarapar Bleyjur og klósettpappír áhorfenda kostuðu ÍBV Enn hægt að fá miða á HM-leikinn í kvöld Farangurinn flæktist fyrir Gísla: „Kom beint af flugvellinum“ Undanúrslit í Meistaradeildinni klár „Bara að fara heim og hitta mömmu“ Fjórir frá vegna meiðsla: „Dagurinn ekkert frábær á skrifstofunni“ „Höfum spilað vel án Arons áður“ „Veit ekki hvað Elmar þarf að gera til að komast í landsliðið“ Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Guðmundur og Íslendingalið Ribe-Esbjerg í undanúrslit Afturelding einum sigri frá úrslitum Magdeburg á toppinn eftir stórleik Íslendinganna Fyrsta tap lærisveina Guðjóns Vals síðan í byrjun mars Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Sjá meira