Plötusnúðurinn Bensöl ætlar að koma sér fyrir í Rauðhólum og spila þar danstónlist í útsendingu sem hefst klukkan níu.
Útsendingin er á vegum íslenska viðburðafyrirtækisins Volume sem sérhæfir sig í útsendingum þar sem plötusnúðar þeyta skífum á framandi stöðum.
Benedikt hefur unnið í og við tónlistarheiminn til fjölda ára. Hann hefur hjálpað að móta íslenska danstónlistarstefnu og verið ötull stuðningsmaður hennar frá upphafi. Hann hefur ferðast víða og spilað á ótrúlegustu stöðum, meðal annars þegar hann var búsettur á Ibiza og í Barcelona.
En nú kemur hann sér fyrir í Rauðhólum og tekur klukkutíma teknósett í íslenskri náttúru þar sem íslenskir hestar fá meðal annars að njóta tónanna.
