Vinnslustöðin birtir ekki 9 mánaða uppgjör sitt

Vinnslustöðin í Vestmannaeyjum mun ekki birta 9 mánaða uppgjör sitt í ár. Næsta uppgjör frá Vinnslustöðinni verður því ársuppgjörið fyrir 2008.

Í tilkynningu um málið segir að þann 14. nóvember var Vinnslustöðin hf. afskráð af hlutabréfamarkaði kauphallarinnar og þarf því ekki lengur að birta uppgjör sín á þriggja mánaða fresti samkvæmt reglum kauphallarinnar fyrir útgefendur fjármálagerninga.

Félagið er hinsvegar skráð á skuldabréfamarkaði kauphallarinnar og ber því að birta uppgjör á sex mánaða fresti . Einnig er vísað til skyldu til birtingar árshlutareiknings fyrstu sex mánaða rekstrarársins í lögum um verðbréfaviðskipti. Í ljósi þessara laga og reglna hefur verið ákveðið að birta ekki níu mánaða uppgjör félagsins eins og áður hefur verið tilkynnt um. Næsta birting á uppgjöri verður því á ársuppgjöri félagsins fyrir árið 2008.